Víkingar unnu leikinn 4-1 en fjórða mark þeirra í leiknum vakti sérstaka athygli og það má sjá hér að neðan.
Valdimar Þór Ingimundarson með sitt fyrsta mark fyrir Víking og það er af dýrari gerðinni
— Víkingur (@vikingurfc) February 18, 2024
22 sendingar, allir leikmenn snerta boltann og Valdimar klárar þetta með stæl.
Eruð þið tilbúin í þetta? pic.twitter.com/zFzxZvdbf2
Markið skoraði Valdimar Þór Ingimundarson, einn af nýju mönnunum sem bæst hafa í Víkingsliðið í vetur, eftir að Víkingar höfðu spilað boltanum á milli sín í um 75 sekúndur.
Raunar náðu allir leikmenn Víkings að snerta boltann í aðdraganda marksins, þar á meðal markvörðurinn Pálmi Rafn Arinbjörnsson sem eins og Valdimar kom í Víkina í vetur.
Alls áttu Víkingar 22 sendingar á milli sín áður en Valdimar skoraði markið.
Víkingur hafði gert 3-3 jafntefli við Leikni í fyrsta leik sínum í Lengjubikarnum og er því með fjögur stig í riðli 4, eins og Leiknir. KA er með sex stig eftir þrjá leiki en ÍA og Afturelding 3 stig og Dalvík/Reynir 0.
