BHM og Friðrik Jónsson sýknuð af kröfu fyrrverandi framkvæmdastjóra Hólmfríður Gísladóttir skrifar 22. febrúar 2024 11:46 Friðrik Jónsson, fyrrverandi formaður BHM, og Erna Guðmundsdóttir, fyrrverandi framkvæmdastjóri. Héraðsdómur Reykjavíkur hefur sýknað Bandalag háskólamanna og Friðrik Jónsson, fyrrverandi formann BHM, af kröfum fyrrverandi framkvæmdastjóra sem sakaði Friðrik um að hafa brotið gegn trúnaðarskilyrðum starfslokasamnings. Forsaga málsins er sú að árið 2022 lét Erna Guðmundsdóttir, lögfræðingur og stjórnmálafræðingur, af störfum sem framkvæmdastjóri BHM eftir að hafa starfað hjá bandalaginu frá 2007. Friðrik hafði verið kjörinn formaður ári áður, í maí 2021, en hætti þegar kjörtímabil hans rann út í maí 2023. Í starfslokasamningi Ernu var skýrt kveðið á um trúnað: „Báðir aðilar lýsa því yfir að þeir muni ekki eiga frumkvæði að umræðu um starfslokasamninginn og efni hans eða aðdraganda starfsloka Ernu hjá BHM, hvorki opinberlega né annars staðar. // Erna staðfestir með undirritun samkomulags þessa að hún mun gæta fyllsta trúnaðar um allt það sem hún hefur orðið áskynja um í starfi sínu hjá BHM og að þagnarskylda gildir einnig eftir að hún lætur af störfum í samræmi við ákvæði í starfslýsingu.“ Eftir að gengið var frá starfslokasamningnum, sem einnig kvað á um að Erna fengi greidd full laun í tólf mánuði eftir að hún lét af störfum, varð stjórn BHM þess áskynja að greinargerð sem Erna hafði sent stjórn um atriði tengd störfum sínum og fyrirhuguð starfslokasamningi var komin í dreifingu. Stjórn BHM lýsti miklum áhyggjum af þessu en Erna sagðist ekki hafa staðið að dreifingu plaggsins. Stjórnin fór engu að síður fram á að aðilar undirrituðu eftirfarandi yfirlýsingu: „/ Fráfarandi framkvæmdastjóri skuldbindur sig til að hvorki ræða né dreifa framangreindu bréfi, dags. 22. mars 2022, og að beita sér fyrir því að það fari ekki í frekari dreifingu og umræðu. //Stjórnarmenn BHM skuldbinda sig einnig til að hafa ekki frumkvæði að umræðu um umrætt bréf, en áskilja sér rétt, í ljósi dreifingar bréfsins, til að verja sig opinberlega gagnvart ásökunum sem þar koma fram, þráttfyrirákvæðiísamkomulagiumstarfslok. // Fráfarandi framkvæmdastjóri staðfestir einnig að hún muni leggja sitt af mörkum til að stuðla að starfsfriði hjá BHM og muni ekki setja fram frekari ásakanir á hendur stjórnarmönnum, starfsmönnum bandalagsins og aðildarfélaga þess.“ Hvergi talað um Ernu né starfslok hennar í erindinu Þann 9. janúar 2023 ritaði Friðrik hins vegar pistil sem hann sendi á formenn aðildarfélaga BHM undir yfirskriftinni „Þankastrik til formanna í upphafi nýs árs“. Farið var yfir starfsemi BHM á árinu 2022 og segir Friðrik meðal annars í bréfinu að bandalagið standi nú betur en það hafi gert í mörg ár, bæði varðar ásýnd en einnig varðandi starfsanda og samheldni inn á við. „Þetta er staðan nú, þrátt fyrir erfiðan, óvæginn og rætinn mótbyr í starfinu á fyrrihluta ársins. Ég dró ekki dul á það síðastliðið vor hversu eitrað andrúmsloftið innan BHM var orðið og hvíldi það þungt á mér og fjölskyldu minni. Það var þó aldrei annar valkostur en að halda áfram því verki sem ég var kjörinn til, þar með talið að bæta innri stjórn bandalagsins, sem var um margt í lamasessi og róttækra breytinga þörf. Skipulagsbreytingar síðastliðið vor, þar með talin ráðning nýs framkvæmdastjóra, auk breyting á umboði og samsetningu stjórnar BHM, nú framkvæmdastjórnar, hafa haft tilætluð jákvæð áhrif. Daglegur rekstur er nú í fastari skorðum, ákvörðunum framkvæmdastjórnar og formannaráðs betur framfylgt en áður ogverkstjórn skýrari á allri starfsemi. Lagabreytingar þær sem samþykktar voru áaðalfundi, í samhengi við frábæra niðurstöðu stefnumótunarþings okkar í febrúar, urðu enn frekar til þess að hnykkja á breyttum og vonandi betri tímum innan BHM.“ Erna taldi umræddan texta brjóta gegn þagnarskyldunni sem aðilar höfðu samþykkt og vega að starfsheiðri sínum. Orð formannsins væru aðför að orðspori sínu og ekki hægt að túlka skrifin öðruvísi en svo að Friðrik teldi hana ekki hafa staðið sig sem framkvæmdastjóra, að það hefði verið nauðsynlegt að koma henni frá og að það hefði borið tilætlaðan árangur. Héraðsdómur tók hins vegar undir sjónarmið BHM og Friðriks, sem bentu bæði á að erindið hefði aðeins verið sett á yfirstjórn BHM og að efnislega beindist hann alls ekki gegn Ernu. Ýmsar breytingar hefðu átt sér stað aðrar en brotthvarf Ernu og hvergi rætt um hana, starfslokasamninginn né aðdraganda hans í textanum. Þá sögðu stefndu að það væri fráleitt að gengið yrði að kröfu Ernu um rúmar 24 milljónir í bætur og tvær milljónir í skaðabætur, enda hefði þegar verið staðið við ákvæði starfslokasamningsins um full laun í tólf mánuði. Dómurinn tók ekki afstöðu til fjárkröfunnar. Dómsmál Stéttarfélög Vinnumarkaður Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Benedikt telur undanbrögð útvarpsstjóra grátleg Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Engin hópnauðgun um páskana á borði lögreglu Innlent Ráðist að fólki við Breiðholtsskóla um hábjartan dag Innlent Saka Ingu um metnaðarleysi eftir skipun flokksmanna í stjórn Innlent Bogi les sinn síðasta fréttatíma á morgun Innlent Vill þyngri refsingar fyrir alvarleg kynferðisbrot Innlent Fleiri fréttir Ráðist að fólki við Breiðholtsskóla um hábjartan dag Um níutíu hælisleitendur setið í gæsluvarðhaldi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Sjá meira
Forsaga málsins er sú að árið 2022 lét Erna Guðmundsdóttir, lögfræðingur og stjórnmálafræðingur, af störfum sem framkvæmdastjóri BHM eftir að hafa starfað hjá bandalaginu frá 2007. Friðrik hafði verið kjörinn formaður ári áður, í maí 2021, en hætti þegar kjörtímabil hans rann út í maí 2023. Í starfslokasamningi Ernu var skýrt kveðið á um trúnað: „Báðir aðilar lýsa því yfir að þeir muni ekki eiga frumkvæði að umræðu um starfslokasamninginn og efni hans eða aðdraganda starfsloka Ernu hjá BHM, hvorki opinberlega né annars staðar. // Erna staðfestir með undirritun samkomulags þessa að hún mun gæta fyllsta trúnaðar um allt það sem hún hefur orðið áskynja um í starfi sínu hjá BHM og að þagnarskylda gildir einnig eftir að hún lætur af störfum í samræmi við ákvæði í starfslýsingu.“ Eftir að gengið var frá starfslokasamningnum, sem einnig kvað á um að Erna fengi greidd full laun í tólf mánuði eftir að hún lét af störfum, varð stjórn BHM þess áskynja að greinargerð sem Erna hafði sent stjórn um atriði tengd störfum sínum og fyrirhuguð starfslokasamningi var komin í dreifingu. Stjórn BHM lýsti miklum áhyggjum af þessu en Erna sagðist ekki hafa staðið að dreifingu plaggsins. Stjórnin fór engu að síður fram á að aðilar undirrituðu eftirfarandi yfirlýsingu: „/ Fráfarandi framkvæmdastjóri skuldbindur sig til að hvorki ræða né dreifa framangreindu bréfi, dags. 22. mars 2022, og að beita sér fyrir því að það fari ekki í frekari dreifingu og umræðu. //Stjórnarmenn BHM skuldbinda sig einnig til að hafa ekki frumkvæði að umræðu um umrætt bréf, en áskilja sér rétt, í ljósi dreifingar bréfsins, til að verja sig opinberlega gagnvart ásökunum sem þar koma fram, þráttfyrirákvæðiísamkomulagiumstarfslok. // Fráfarandi framkvæmdastjóri staðfestir einnig að hún muni leggja sitt af mörkum til að stuðla að starfsfriði hjá BHM og muni ekki setja fram frekari ásakanir á hendur stjórnarmönnum, starfsmönnum bandalagsins og aðildarfélaga þess.“ Hvergi talað um Ernu né starfslok hennar í erindinu Þann 9. janúar 2023 ritaði Friðrik hins vegar pistil sem hann sendi á formenn aðildarfélaga BHM undir yfirskriftinni „Þankastrik til formanna í upphafi nýs árs“. Farið var yfir starfsemi BHM á árinu 2022 og segir Friðrik meðal annars í bréfinu að bandalagið standi nú betur en það hafi gert í mörg ár, bæði varðar ásýnd en einnig varðandi starfsanda og samheldni inn á við. „Þetta er staðan nú, þrátt fyrir erfiðan, óvæginn og rætinn mótbyr í starfinu á fyrrihluta ársins. Ég dró ekki dul á það síðastliðið vor hversu eitrað andrúmsloftið innan BHM var orðið og hvíldi það þungt á mér og fjölskyldu minni. Það var þó aldrei annar valkostur en að halda áfram því verki sem ég var kjörinn til, þar með talið að bæta innri stjórn bandalagsins, sem var um margt í lamasessi og róttækra breytinga þörf. Skipulagsbreytingar síðastliðið vor, þar með talin ráðning nýs framkvæmdastjóra, auk breyting á umboði og samsetningu stjórnar BHM, nú framkvæmdastjórnar, hafa haft tilætluð jákvæð áhrif. Daglegur rekstur er nú í fastari skorðum, ákvörðunum framkvæmdastjórnar og formannaráðs betur framfylgt en áður ogverkstjórn skýrari á allri starfsemi. Lagabreytingar þær sem samþykktar voru áaðalfundi, í samhengi við frábæra niðurstöðu stefnumótunarþings okkar í febrúar, urðu enn frekar til þess að hnykkja á breyttum og vonandi betri tímum innan BHM.“ Erna taldi umræddan texta brjóta gegn þagnarskyldunni sem aðilar höfðu samþykkt og vega að starfsheiðri sínum. Orð formannsins væru aðför að orðspori sínu og ekki hægt að túlka skrifin öðruvísi en svo að Friðrik teldi hana ekki hafa staðið sig sem framkvæmdastjóra, að það hefði verið nauðsynlegt að koma henni frá og að það hefði borið tilætlaðan árangur. Héraðsdómur tók hins vegar undir sjónarmið BHM og Friðriks, sem bentu bæði á að erindið hefði aðeins verið sett á yfirstjórn BHM og að efnislega beindist hann alls ekki gegn Ernu. Ýmsar breytingar hefðu átt sér stað aðrar en brotthvarf Ernu og hvergi rætt um hana, starfslokasamninginn né aðdraganda hans í textanum. Þá sögðu stefndu að það væri fráleitt að gengið yrði að kröfu Ernu um rúmar 24 milljónir í bætur og tvær milljónir í skaðabætur, enda hefði þegar verið staðið við ákvæði starfslokasamningsins um full laun í tólf mánuði. Dómurinn tók ekki afstöðu til fjárkröfunnar.
Dómsmál Stéttarfélög Vinnumarkaður Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Benedikt telur undanbrögð útvarpsstjóra grátleg Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Engin hópnauðgun um páskana á borði lögreglu Innlent Ráðist að fólki við Breiðholtsskóla um hábjartan dag Innlent Saka Ingu um metnaðarleysi eftir skipun flokksmanna í stjórn Innlent Bogi les sinn síðasta fréttatíma á morgun Innlent Vill þyngri refsingar fyrir alvarleg kynferðisbrot Innlent Fleiri fréttir Ráðist að fólki við Breiðholtsskóla um hábjartan dag Um níutíu hælisleitendur setið í gæsluvarðhaldi síðustu mánuði fyrir brottvísun Kryfja mál Ásthildar Lóu fyrir opnum tjöldum Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Hafi verið látinn fljúga þrátt fyrir þekkt andleg veikindi Alþingi kemur saman á ný eftir páskafrí Réðust á tvo menn á göngu Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Höllu dreymir um að fá gróðurhús á Bessastaði Bogi les sinn síðasta fréttatíma á morgun Hælisleitendur í einangrun: Versta úrræðið sem hægt er að beita Geðheilbrigði í fangelsum og fækkun lóu og spóa Áætlun Trump gangi engan veginn upp Vill selja bílastæðahús borgarinnar og Iðnó Ráðamenn hneykslast á Exit-auglýsingu SFS Mikill viðsnúningur hjá Árborg í fjármálum sveitarfélagsins Amman handleggsbrotin eftir hundsbit með barnabarnið í göngutúr Kvenkyns ökumönnum fækkað: Áhyggjuefni ef almenningur treystir ekki leigubílstjórum Áhyggjur leigubílstjóra og kólnandi hagkerfi Óvissa um heimshagkerfið og úrsögn Sólveigar Önnu „Ég vildi óska að fólk gæti séð drenginn minn eins og hann er“ Töldu Akureyringa ekki reka alvöruflugfélag Hefur áhyggjur af rekstri skólans undir Rafmennt Vita ekki hver áhrif fyrirætlanna Meta verða Sjá meira