Barcelona mis­tókst að komast upp í annað sæti

Barcelona sótti Athletic Bilbao heim á San Mamés í lokaleik dagsins í La Liga, spænsku úrvalsdeild karla í körfubolta. Leiknum lauk með markalausu jafntefli sem gerir lítið fyrir bæði lið sem eru í harðri Meistaradeildarbaráttu.

Börsungar voru betri aðilinn í leiknum sem var gríðarlega lokaður og lítið um færi. Besta færið átti líklega João Cancelo en Unai Simón varði vel í marki Athletic. 

Jafnteflið þýðir að Börsungar náðu ekki að lyfta sér upp í 2. sæti deildarinnar en það var möguleiki eftir 1-0 tap Girona gegn Mallorca. Jose Copete með eina markið þegar rúmur hálftími var liðinn. 

Real Madríd situr áfram á toppi deildarinnar með 66 stig eftir 27 leiki. Girona er í 2. sæti með 59 stig, Barcelona þar fyrir neðan með 58 stig og Atlético Madríd, sem lagði Real Betis 2-1 fyrr í dag, er með 55 stig í 4. sæti. Athletic kemur svo með 50 stig í 5. sætinu.