Niko Kovač rekinn frá Wolfsburg

Það er þýski fjölmiðillinn Bild sem greinir frá þessu.

Kovač var á sínum tíma landsliðsfyrirliði Króatíu og átti langan feril sem leikmaður í þýsku úrvalsdeildinni með Bayer Leverkusen, Hamburger SV, Bayern Munchen og Hertha Berlin. Hann endaði ferilinn í Austurríki með RB Salzburg og hóf þjálfaraferilinn þar strax og hann lagði skóna á hilluna. 

Síðan þá hefur Kovač stýrt u21 árs og A-landsliði Króatíu, og félagsliðum Eintracht Frankfurt, Bayern Munchen og Monaco. Hann tók svo við Wolfsburg fyrir tímabilið 2022–23. Sitt fyrsta tímabil í starfi endaði hann með liðið í 8. sæti, ásættanlegur árangur þar á bæ, það hefur hins vegar ekki vegnað eins vel á þessu tímabili. 

Wolfsburg situr í 14. sæti deildarinnar eftir 26 umferðir. Átta leikir eftir og liðið er ekki enn í mikilli fallhættu en gæti vel sogast niður og barist í bökkunum.