Ráðist á nemanda Valhúsaskóla í Haga­skóla

Þetta staðfestir Ásmundur Rúnar Gylfason, stöðvarstjóri á lögreglustöðinni á Hverfisgötu, í samtali við Vísi. Mbl.is greindi fyrst frá málinu, með vísan til tilkynningar frá stjórnendum Valhúsaskóla.

Ásmundur Rúnar segir að málið sé til rannsóknar hjá lögreglu en formleg kæra hafi ekki verið lögð fram enn sem komið er. Búast megi við því að það verði gert. Minnst einn sem er viðriðinn máli hafi náð fimmtán ára aldri og sé því sakhæfur. Málið verði unnið í nánu sambandi við foreldra og barnaverndaryfirvöld.

Líður vel eftir atvikum

Hann segir að upphaflega hafi verið óttast að nemandi sem fyrir árásinni varð hafi handleggsbrotnað en við nánari skoðun í gær hafi komið í ljós að hann væri óbrotinn. Í tölvupósti frá stjórnendum Valhúsaskóla til foreldra nemenda við skólann segir að nemandanum líði vel eftir atvikum.