Lífið

Chess After Dark strákarnir boða til ein­vígis aldarinnar

Oddur Ævar Gunnarsson skrifar
Einvígið er í boði Chess After Dark og hefst á fimmtudagskvöld kl. 20:00. 
Einvígið er í boði Chess After Dark og hefst á fimmtudagskvöld kl. 20:00. 

Knattspyrnuáhugamenn og skákáhugamenn ættu að taka Skírdag frá. Heimir Guðjónsson, einn allra fremsti þjálfari Íslands í knattspyrnu og núverandi þjálfari FH, og Hörður Magnússon, betur þekktur sem Höddi Magg, fyrrverandi knattspyrnumaður og ástkærasti lýsir landsins, mætast í epísku hraðskákeinvígi.

Einvígið fer fram á 220 BAR en einnig má fylgjast með því að heiman í beinni útsendingu á Vísi og hefst klukkan 20:00 á fimmtudagskvöld. Hugmyndin að einvíginu kviknaði eftir að þeir Birkir Karl Sigurðsson og Leifur Þorsteinsson, stjórnendur Chess After Dark hlaðvarpsins héldu „Blush mótið“ árið 2022.

Þar mættust Heimir og Hörður í mótinu í æsispennandi leik. Svo fór að Heimir hafði sigur en þeir félagar eru báðir afbragðsskákmenn og álíka sterkir. Einvígið ætti því að verða mjög jafnt og spennandi.

Tefldar verða tíu hraðskákir og eru báðir keppendur taldir afar sigurvissir. Báðir tala þeir um að um formsatriði sé að ræða. Sigurvegari einvígsins mun ekki einungis sigra einvígi aldarinnar heldur fylgir stoltið einnig sigrinum og fullvissan um að viðkomandi sé í raun og veru sterkari skákmaður.

Bæði Höddi og Heimir eru mjög sigurvissir.
Skák


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.