400 deildar­leikir hjá Kane án titils

Dortmund náði forystunni snemma leiks og næstu 70 mínútur fékk Bayern nóg af færum til að jafna og Kane fjögur en inn vildi boltinn ekki. Þetta var í fyrsta sinn síðan 2014 sem Bayern tapaði á heimavelli gegn Dortmund.

Það má í raun segja að Harry Kane sé að skrifa sig í sögubækurnar en ekki á jákvæðan hátt. Kane er búinn að skora 31 mark í deildinni í vetur og er langmarkahæstur en það virðist ekki duga þar sem Bayern er 13 stigum á eftir toppliði Leverkusen.

Fyrir komu Kane hafði Bayern unnið þýsku deildina ellefu sinnum í röð. Síðast þegar liðið vann deildina ekki var Kane leikmaður Millwall í B-deildinni á láni, þar sem hann skorðai sjö mörk í 22 deildarleikjum.

Alls hefur Kane skorað 258 mörk í þessum 400 deildarleikjum og lagt upp 52 mörk. Titilarnir eru aftur á móti núll. Leverkusen er komið með aðra höndina á þýska titilinn, en liðið þarf aðeins að ná níu stigum út úr síðustu sjö leikjum sínum en liðið hefur enn ekki tapað leik á tímabilinu.