FH berst liðs­styrkur

Ísak Óli er uppalinn Keflvíkingur og var öflugur í vörn liðsins áður en hann flutti búferlum til Danmerkur árið 2021. Hann snýr nú aftur heim í Bestu deildina og styrkir vörn Hafnfirðinga.

Hann verður liðsfélagi bróður síns, Sindra Kristins Ólafssonar, sem er markvörður FH-inga.

Ísak Óli er 23 ára gamall og hefur leikið 36 leiki fyrir yngri landslið Íslands auk tveggja A-landsleikja. Hann fór til SönderjyskE í Danmörku frá Keflvíkingum fyrir þremur árum en skipti svo til Esbjerg hvaðan hann kemur til FH.

Skiptin hafa legið í loftinu síðustu vikur en Ísak er nú kominn með leikheimild fyrir fyrir leik FH-inga sem er gegn Breiðabliki á mánudagskvöldið.