Vill vera jafn iðinn við kolann og Olga Fær­­seth

Hinn 22 ára gamli Ey­þór Aron skiptir yfir til KR frá Breiða­bliki en þeir svart­hvítu úr Vestur­bænum hefur átt fljúgandi start í Bestu deildinni og halað inn fullu húsi stiga úr fyrstu tveimur leikjum sínum.

„Það er geggjaður andi hérna í Vestur­bænum og mikill heiður fyrir að vera hérna í stór­veldinu. Það er ein­hver með­byr hérna í augna­blikinu að byggjast upp og ég er ekkert nema stoltur að hafa skrifað undir samning hjá fé­laginu.“

Að­dragandinn að þessum fé­lags­skiptum. Er hann langur?

„Hann er frekar stuttur. KR hafði sam­band á þriðju­daginn síðast­liðinn og svo var skrifað undir samninginn á sunnu­daginn. Ég var ekki lengi að á­kveða mig þegar að KR kom að borðinu. Hoppaði strax á þetta.“

Blikar hafa að undan­förnu verið að bæta við sig mann­skap. Til að mynda kom Ísak Snær Þor­valds­son á láni til fé­lagsins frá Rosen­borg. Þegar að Blikar fóru að þétta raðirnar fór Ey­þór Aron að hugsa sér til hreyfings.

„Ég fór að hugsa um hvort kominn væri sá tími að ég færi að líta í kringum mig. KR kom þá inn í myndina.“

Og eins og fyrr segir þurfti Ey­þór Aron ekki að hugsa sig tvisvar um. Við­skilnaðurinn við Breiða­blik á sér þó stað í góðu.

„Ég kveð allt og alla þarna í Breiða­bliki í góðu. Þjálfara og leik­menn. Það er yfir engu að kvarta yfir þar.“

En hvernig horfir tími þinn hjá fé­laginu við þér?

„Lær­dóms­ríkur tími. Ekki spurning. Erfiður einnig á köflum. Þarna upp­lifði ég mikla sam­keppni en tek með mér góða vini og lær­dóms­ríkan tíma. Breiða­blik í heild sinni er frá­bært fé­lag sem tók vel á móti mér og hugsaði vel um mig. Ég óska því bara vel­farnaðar í fram­haldinu.“

Og mark­miðin eru skýr fyrir komandi tíma.

„Maður sér söguna á öllum veggjum hér í Vestur­bænum. Mark­miðin eru há­leit hjá fé­laginu. Að skrifa söguna á nýjan leik. Sækja báðu stóru titlana. Ég er mjög spenntur fyrir komandi tímum. Mark­miðið er, meira og minna, að vera jafn iðinn við kolann og Olga Fær­seth var með KR á sínum tíma.“

Þá er hann spenntur fyrir því að reyna fyrir sér á gras­velli KR-inga, Meistara­völlum og stefnir allt í að fyrsti al­vöru heima­leikur Ey­þórs með KR verði akkúrat á móti hans gömlu fé­lögum í Breiða­bliki í fjórðu um­ferð Bestu deildarinnar.

„Ég mæti dýr­vit­laus inn í þann leik og megi allir góðir vættir vaka yfir Viktori og Damir í þeim leik. Nei ég segi svona. Það verður bara gaman að mæta Blikum. Ég mæti eins og Tasmaníu­djöfullinn inn á.“