Gummi Kalli er rétti kosturinn sem biskup Íslands Áslaug Helga Hálfdánardóttir, Dís Gylfadóttir og Guðni Már Harðarson skrifa 1. maí 2024 17:30 Þann 2. maí á hádegi hefst ný kosning til Biskups Íslands, sem stendur til hádegis 7. maí. Prestar og djáknar tilnefndu þrjú og nú hefur valið verið skorið niður í tvö nöfn af hópi 2300 einstaklinga sem gegna trúnaðarstörfum fyrir Þjóðkirkjuna. Valið er einfalt í huga okkar, sem höfum unnið náið með Guðmundi Karli Brynjarssyni í Lindakirkju í áraraðir og notið leiðsagnar hans. Gummi Kalli lætur fólk í kringum sig vaxa og dafna og skapar því tækifæri og vinnuumhverfi til þess. Hann veitir hugmyndum vængi og gefur endurgjöf sem hjálpar til við að láta markmið nást. Gummi Kalli er í senn klassískur og framsækinn og mun án efa styrkja ímynd kirkjunnar út á við með skapandi hætti. Gummi Kalli er skemmtilegur og tekur sjálfan sig ekki of hátíðlega. Hann hefur einlægan áhuga á fólki og er fundvís á hæfileika þess og styrkleika, hann er hvetjandi og hrósar bæði frá hjartanu og að verðleikum. Hann fer ekki í manngreinarálit og gefur sér tíma fyrir fólkið sem hann mætir óháð stétt eða stöðu. Gummi Kalli er góður kennari og setur mál sitt fram þannig að auðvelt er fyrir hvern sem er að meðtaka. Hann hefur gott næmi á samtímann og hvaða leiðir eru réttar til að koma sígildum boðskap kristinnar trúar áfram og hann er hvergi banginn að prófa nýja hluti. Sjálfur er Gummi Kalli lifandi dæmi um þá umbreytingu sem trú getur haft á líf fólks og er einlægur í trú sinni og bænum. Eins og ritningin hvetur til varpar hann áhyggjum sínum á Drottinn en er líka duglegur að spegla hug sinn í okkur samstarfsfólki sínu. Hann er lausnamiðaður og finnur jafnan góðar málamiðlanir þegar ólík sjónarmið mætast. Við höfum upplifað að sjá hugmynd að prjónahópi sem gerir bænasjöl, verða að veruleika og stækka ár frá ári. Við höfum séð lagstúfa sem Áslaug Helga setti fram verða að sálmum með textum frá honum, klassíska sálma fá nýjar laglínur eftir hann. Risatónleikar hafa verið settir upp í kikjunni og plötur gefnar út fyrir hvatningu hans, enda samstarfs hans og Óskars Einarssonar einstakt. Sunnudagaskólabarnaefnið Daginn í dag ber að nefna en horft hefur verið á það vel yfir milljón sinnum samkvæmt tölum frá streymisveitum og Gummi Kalli á mikinn þátt í því. Allar messur í Lindakirkju eru nú í beinu streymi og mikið var fólki sem ekki á heimangengt fylgist engu að síður með í beinni útsendingu, eða þegar þeim hentar næstu vikurnar á eftir. Yfirmaðurinn Gummi Kalli hefur ótrúlega gott nef fyrir að þefa uppi hæfileika fólks, jafnvel hæfileika sem maður sjálf(ur) telur sig ekki endilega hafa. Hann bendir ekki bara á veginn sem á að fara, heldur gengur hann sjálfur með góðu fordæmi, smitandi áhuga og vinnusemi. Það sem við kunnum þó best að meta í samstarfi okkar Gumma Kalla er hreinskiptnin, við erum alls ekki alltaf sammála og sjáum hlutina oft frá ólíkum sjónarhornum. Stundum er tekist á á starfsmannafundum og í menningunni sem sköpuð hefur verið í Lindakirkju þá má það. Góður leiðtogi veit að það er nauðsynlegt að leyfa fólki að segja hug sinn, efasemdir, jafnt sem tiltrú og búa til umhverfi þar sem traust og hreinskiptni ríkir, það er einn af kostum Gumma Kalla og þannig verður Biskup Íslands að starfa. Góður leiðtogi sér það sem hlutverk sitt að efla fólk, hvetja það áfram og fá það til að rækta náðargjafir sínar og styrkleika málstaðnum til blessunar. Þjóðkirkjan rúmar margar raddir og blæbrigði í litrófi lífsins. Gummi Kalli mun hlusta og gefa góðum hugmyndum vængi og gefa ólíku fólki tækifæri til að stækka þær. Þess vegna er valið auðvelt í okkar huga og við vitum að Guðmundur Karl er rétti kosturinn í biskupstól. Áslaug Helga Hálfdánardóttir djákni í Lindakirkju Dís Gylfadóttir prestur í Lindakirkju Guðni Már Harðarson prestur í Lindakirkju Höfundar eru samstarfsfólk Guðmundar Karls Brynjarssonar, biskupsefnis. Viltu birta grein á Vísi? Sendu okkur póst. Senda grein Biskupskjör 2024 Mest lesið Þjóðin vill eitt, Kristrún annað Ole Anton Bieltvedt Skoðun Palestína í Eurovision Sigurður Loftur Thorlacius Skoðun Hversu lítill fiskur yrðum við? Hjörtur J. Guðmundsson Skoðun Ferðaþjónustan er burðarás í íslensku efnahagslífi Þórir Garðarsson Skoðun Söngur Ísraels og RÚV Ingólfur Gíslason. Skoðun Lélegir íslenskir læknar...eru ekki til! Steinunn Þórðardóttir Skoðun Valkyrjurnar verða að losa okkur við Rapyd Björn B. Björnsson Skoðun Halldór 17.05.2025 Halldór Ófullnægjandi vinnubrögð ófaglærðra „iðnaðarmanna“: Áhrif á húskaupendur Kristinn R Guðlaugsson Skoðun Þjóðin sem selur sjálfri sér: Vangaveltur um sölu Íslandsbanka Guðjón Heiðar Pálsson Skoðun Skoðun Skoðun Palestína í Eurovision Sigurður Loftur Thorlacius skrifar Skoðun Ferðaþjónustan er burðarás í íslensku efnahagslífi Þórir Garðarsson skrifar Skoðun Hversu lítill fiskur yrðum við? Hjörtur J. Guðmundsson skrifar Skoðun Þjóðin vill eitt, Kristrún annað Ole Anton Bieltvedt skrifar Skoðun Lélegir íslenskir læknar...eru ekki til! Steinunn Þórðardóttir skrifar Skoðun Þjóðin sem selur sjálfri sér: Vangaveltur um sölu Íslandsbanka Guðjón Heiðar Pálsson skrifar Skoðun Hagsmunir heildarinnar - Þriðji kafli: Skálmöld Hannes Örn Blandon skrifar Skoðun Valkyrjurnar verða að losa okkur við Rapyd Björn B. Björnsson skrifar Skoðun Söngur Ísraels og RÚV Ingólfur Gíslason. skrifar Skoðun Ófullnægjandi vinnubrögð ófaglærðra „iðnaðarmanna“: Áhrif á húskaupendur Kristinn R Guðlaugsson skrifar Skoðun Uppiskroppa með umræðuefni í málþófi? Talið um Gaza! Viðar Eggertsson skrifar Skoðun Kærleikurinn pikkaði í mig Guðmunda G. Guðmundsdóttir skrifar Skoðun Gigt er ekki bara sjúkdómur fullorðinna – Gigtarfélagið heldur opið hús til að fræða og styðja alla aldurshópa Hrönn Stefánsdóttir skrifar Skoðun Friðun Grafarvogs Stefán Jón Hafstein skrifar Skoðun Torfærur, hossur og hristingar! Jóhanna Dýrunn Jónsdóttir skrifar Skoðun NÓG ER NÓG – Heilbrigðiskerfið er í neyðarástandi Ásthildur Kristín Björnsdóttir skrifar Skoðun Við munum aldrei fela okkur aftur Kári Garðarsson skrifar Skoðun Er Kópavogsbær vel rekinn? Bergljót Kristinsdóttir skrifar Skoðun Oft er forræðishyggja hjá fjölskyldum og á heimilum fatlaðs fólks Atli Már Haraldsson Zebitz skrifar Skoðun Um sjónarhorn og sannleika Líf Magneudóttir skrifar Skoðun Lýðræðið er farið – er of seint að snúa við? Einar G. Harðarson skrifar Skoðun Er gagnlegt að kunna að forrita á tímum gervigreindar? Henning Arnór Úlfarsson skrifar Skoðun Málþóf og/eða lýðræði? Elín Íris Fanndal skrifar Skoðun Umdeildasti fríverslunarsamningur sögunnar? Arnar Þór Ingólfsson skrifar Skoðun Ísafjarðarbær í Bestu deild Sigríður Júlía Brynleifsdóttir,Gylfi Ólafsson skrifar Skoðun Þjóðarmorð í beinni Arnar Eggert Thoroddsen skrifar Skoðun Allt þetta máttu eiga ef þú tilbiður mig Birgir Dýrfjörð skrifar Skoðun Atvinnufrelsi! Lilja Rafney Magnúsdóttir skrifar Skoðun Að mása eða fara í golf Jón Pétur Zimsen skrifar Skoðun Leiðréttum kerfisbundið misrétti Jónína Brynjólfsdóttir skrifar Sjá meira
Þann 2. maí á hádegi hefst ný kosning til Biskups Íslands, sem stendur til hádegis 7. maí. Prestar og djáknar tilnefndu þrjú og nú hefur valið verið skorið niður í tvö nöfn af hópi 2300 einstaklinga sem gegna trúnaðarstörfum fyrir Þjóðkirkjuna. Valið er einfalt í huga okkar, sem höfum unnið náið með Guðmundi Karli Brynjarssyni í Lindakirkju í áraraðir og notið leiðsagnar hans. Gummi Kalli lætur fólk í kringum sig vaxa og dafna og skapar því tækifæri og vinnuumhverfi til þess. Hann veitir hugmyndum vængi og gefur endurgjöf sem hjálpar til við að láta markmið nást. Gummi Kalli er í senn klassískur og framsækinn og mun án efa styrkja ímynd kirkjunnar út á við með skapandi hætti. Gummi Kalli er skemmtilegur og tekur sjálfan sig ekki of hátíðlega. Hann hefur einlægan áhuga á fólki og er fundvís á hæfileika þess og styrkleika, hann er hvetjandi og hrósar bæði frá hjartanu og að verðleikum. Hann fer ekki í manngreinarálit og gefur sér tíma fyrir fólkið sem hann mætir óháð stétt eða stöðu. Gummi Kalli er góður kennari og setur mál sitt fram þannig að auðvelt er fyrir hvern sem er að meðtaka. Hann hefur gott næmi á samtímann og hvaða leiðir eru réttar til að koma sígildum boðskap kristinnar trúar áfram og hann er hvergi banginn að prófa nýja hluti. Sjálfur er Gummi Kalli lifandi dæmi um þá umbreytingu sem trú getur haft á líf fólks og er einlægur í trú sinni og bænum. Eins og ritningin hvetur til varpar hann áhyggjum sínum á Drottinn en er líka duglegur að spegla hug sinn í okkur samstarfsfólki sínu. Hann er lausnamiðaður og finnur jafnan góðar málamiðlanir þegar ólík sjónarmið mætast. Við höfum upplifað að sjá hugmynd að prjónahópi sem gerir bænasjöl, verða að veruleika og stækka ár frá ári. Við höfum séð lagstúfa sem Áslaug Helga setti fram verða að sálmum með textum frá honum, klassíska sálma fá nýjar laglínur eftir hann. Risatónleikar hafa verið settir upp í kikjunni og plötur gefnar út fyrir hvatningu hans, enda samstarfs hans og Óskars Einarssonar einstakt. Sunnudagaskólabarnaefnið Daginn í dag ber að nefna en horft hefur verið á það vel yfir milljón sinnum samkvæmt tölum frá streymisveitum og Gummi Kalli á mikinn þátt í því. Allar messur í Lindakirkju eru nú í beinu streymi og mikið var fólki sem ekki á heimangengt fylgist engu að síður með í beinni útsendingu, eða þegar þeim hentar næstu vikurnar á eftir. Yfirmaðurinn Gummi Kalli hefur ótrúlega gott nef fyrir að þefa uppi hæfileika fólks, jafnvel hæfileika sem maður sjálf(ur) telur sig ekki endilega hafa. Hann bendir ekki bara á veginn sem á að fara, heldur gengur hann sjálfur með góðu fordæmi, smitandi áhuga og vinnusemi. Það sem við kunnum þó best að meta í samstarfi okkar Gumma Kalla er hreinskiptnin, við erum alls ekki alltaf sammála og sjáum hlutina oft frá ólíkum sjónarhornum. Stundum er tekist á á starfsmannafundum og í menningunni sem sköpuð hefur verið í Lindakirkju þá má það. Góður leiðtogi veit að það er nauðsynlegt að leyfa fólki að segja hug sinn, efasemdir, jafnt sem tiltrú og búa til umhverfi þar sem traust og hreinskiptni ríkir, það er einn af kostum Gumma Kalla og þannig verður Biskup Íslands að starfa. Góður leiðtogi sér það sem hlutverk sitt að efla fólk, hvetja það áfram og fá það til að rækta náðargjafir sínar og styrkleika málstaðnum til blessunar. Þjóðkirkjan rúmar margar raddir og blæbrigði í litrófi lífsins. Gummi Kalli mun hlusta og gefa góðum hugmyndum vængi og gefa ólíku fólki tækifæri til að stækka þær. Þess vegna er valið auðvelt í okkar huga og við vitum að Guðmundur Karl er rétti kosturinn í biskupstól. Áslaug Helga Hálfdánardóttir djákni í Lindakirkju Dís Gylfadóttir prestur í Lindakirkju Guðni Már Harðarson prestur í Lindakirkju Höfundar eru samstarfsfólk Guðmundar Karls Brynjarssonar, biskupsefnis.
Ófullnægjandi vinnubrögð ófaglærðra „iðnaðarmanna“: Áhrif á húskaupendur Kristinn R Guðlaugsson Skoðun
Skoðun Þjóðin sem selur sjálfri sér: Vangaveltur um sölu Íslandsbanka Guðjón Heiðar Pálsson skrifar
Skoðun Ófullnægjandi vinnubrögð ófaglærðra „iðnaðarmanna“: Áhrif á húskaupendur Kristinn R Guðlaugsson skrifar
Skoðun Gigt er ekki bara sjúkdómur fullorðinna – Gigtarfélagið heldur opið hús til að fræða og styðja alla aldurshópa Hrönn Stefánsdóttir skrifar
Skoðun Oft er forræðishyggja hjá fjölskyldum og á heimilum fatlaðs fólks Atli Már Haraldsson Zebitz skrifar
Ófullnægjandi vinnubrögð ófaglærðra „iðnaðarmanna“: Áhrif á húskaupendur Kristinn R Guðlaugsson Skoðun