Fótbolti

PSG tvö­faldur meistari

Runólfur Trausti Þórhallsson skrifar
Leikmenn PSG fagna.
Leikmenn PSG fagna. EPA-EFE/MOHAMMED BADRA

París Saint-Germain lagði Lyon 2-1 í úrslitum frönsku bikarkeppni karla í knattspyrnu. Var leikur kvöldsins að öllum líkindum síðasti leikur Kylian Mbappé fyrir félagið. Hann var ekki á skotskónum að þessu sinni.

Þrátt fyrir heldur slakt tímabil þá stendur PSG uppi sem tvöfaldur meistari. Liðið var ekki sannfærandi í frönsku deildinni og féll svo úr leik í Meistaradeild Evrópu gegn Borussia Dortmund. Á sama tíma hefur Lyon risið upp frá dauðum en félagið virtist svo gott sem fallið um jólin.

PSG reyndist þó of stór biti fyrir Lyon í dag þar sem Ousmane Dembélé og Fabián Ruiz komu Parísarliðinu 2-0 yfir í fyrri hálfleik. 

Jake O‘Brien minnkaði muninn snemma í síðari hálfleik en nær komst Lyon ekki og PSG franskur bikarmeistari árið 2024.

Fótbolti Franski boltinn

Mest lesið


Fleiri fréttir

Sjá meira


×

Mest lesið