Bæði lið stóðu heiðurs­vörð og Toni Kroos tolleraður í leiks­lok

Kroos gaf það óvænt út á dögunum að hann myndi leggja skóna á hilluna að loknu Evrópumóti í sumar.

Á tíma sínum hjá Real Madrid hampaði hann alls 22 titlum og getur bætt enn bætt einum svoleiðis við næsta laugardag þegar Madrídingar leika til úrslita Meistaradeildarinnar gegn Borussia Dortmund.

Hann gengur frá fótboltanum sem lifandi goðsögn, einn sigursælasti leikmaður allra tíma og af mörgum talinn einn besti miðjumaður sinnar kynslóðar. 

Það var því vel við hæfi að Madrídingar stæðu heiðursvörð fyrir dyggan þegn, Real Betis bar hins vegar engin skylda til þess en gerðu það samt af virðingu við Kroos og allt sem hann hefur afrekað.

Real Betis var öruggt í 7. sæti, Madrídingar auðvitað löngu búnir að tryggja sér Spánarmeistaratitilinn og það var því að litlu að spila, lokatölur 0-0.