Aðstoðarkonan kærir Kanye fyrir kyn­ferðis­lega á­reitni

Bandaríski slúðurmiðillinn Page Six greinir frá málinu og hefur undir höndum gögn sem tengjast málinu. Þar kemur fram að rapparinn hafi lofað Pisciotta einni milljón Bandaríkjadollara gegn því að hefja störf hjá honum og vera til staðar fyrir hann allan sólarhringinn, sjö daga vikunnar.

Þá segir hún að hún hafi verið með aðgang á OnlyFans til 2022 þar til Kanye hafi beðið hana um að hætta því. Þess í stað hét hann því að hækka hana í launum, upp í tvær milljónir Bandaríkjadollara. Pisciotta segir að rapparinn hafi aldrei staðið við sitt.

Hún segir að stuttu eftir launahækkunina hafi rapparinn farið að senda henni óviðeigandi skilaboð. Þar hafi hann meðal annars lýst kynferðislegri þrá sinni og blætishegðun, meðal annars að hann elskaði tilhugsunina um að verið væri að halda framhjá honum.

Þá segir Pisciotta að hann hafi sent sér kynferðislegar myndir af honum og öðrum konum og körlum. Segir hún að um hafi verið að ræða núverandi og fyrrverandi starfsmenn á hans vegum. Hún segir Kanye einnig hafa fróað sér á meðan hann spjallaði við hana í gegnum síma og þrýst á hana um að afklæðast á vinnutíma.

Pisciotta segir einnig að hann hafi eitt sinn læst sig inni í herbergi. Þess næst hafi hann fróað sér við hlið hennar og svo sofnað. Piscietta segir hann hafa reiðst henni við höfnun. Hann hafi í september 2022 boðið henni stöðu- og launahækkun en rekið hana mánuði síðar.