Linda segir mikilvægt að leyfa kjötinu á ná stofuhita áður en það er matreitt.
„Svo er mikilvægt að elda það á meðalhita og passa að ofelda það ekki. Mér finnst persónulega best að nota kjöthitamæli. Leyfið kjötinu aðeins að standa eftir eldun, miða við 10-15 mínútur. Hafa ber í huga að kjötið heldur aðeins áfram að eldast þó svo að búið sé að taka það af grillinu, en það verður talsvert safaríkara og mýkra ef það fær að standa eftir grillun,“ segir Linda.
Kjarnhiti nautakjöts:
Lítið steikt / 52-55°
Lítið miðlungs / 55-60°
Miðlungs / 60-65°
Miðlungs mikið / 65-69°
Mikið steikt / 71-100°
Nautagrillsteik með bernaise og fersku grænu pestói
Hráefni:
Piparkryddlegnar Sælkeranauts nautagrillsteikur
Maísstönglar ferskir
Smælki
Ólífu olía
Salt
Aspas
Grænt ferkst pestó (uppskrift hér fyrir neðan)
Bernais sósa (uppskrift hér fyrir neðan)
Aðferð:
Takið steikurnar úr kæli og leyfið þeim að ná stofuhita áður en þær eru eldaðar.
Kveikið á grillinu og setjið maísstönglana á grillið með blöðunum. Snúið þeim reglulega.
Skerið smælki í helminga og raðið á grillbakka. Bætið ólífu olíu yfir og saltið. Setjiið á grillið og hrærið reglulega í.
Þegar smælkið er hálfeldað, bætið þá aspasnum á bakkann og setjið olífu olíu og salt yfir.
Berið fram með grænu pestói og bernaise sósu.
Grænt ferkst pestó
30 g ferskt basil
15 g fersk steinselja
1 msk sítrónusafi
Sítrónubörkur af 1/2 sítrónu
1 stk hvítlauksgeiri
2 msk rifinn parmesan
1 dl bragðgóð extra virgin ólífu olía
Aðferð:
Setjið öll innihaldsefnin í blandara og maukið á lágum styrk. Blandan á að vera nokkuð gróf maukuð.
Bernaise sósa
4 eggjarauður
400 g brætt smjör
2-3 tsk bearnaise essens (magn eftir smekk)
2 tsk estragon (magn eftir smekk)
Pipar (magn eftir smekk)
Salt
Aðferð:
Brjótið eggin og aðskiljið eggjahvítur og eggjarauður.
Bræðið smjör á vægum hita.
Þeytið eggjarauðurnar varlega í smá stund í hrærivél þar til þær eru orðnar léttar, ljósar og mynda borða. (takið þeytarann upp reglulega og teiknið tölustafinn átta snögglega með því sem lekur af þeytaranum ofan í skálinni.
Ef það tekst að teikna áttu og hún sést greinilega í örfáar sek. þá eru eggjarauðurnar tilbúnar).
Hellið smjörinu út í eggjarauðurnar í lítilli bunu með þeytarann rólega í gangi.
Setjið bearnaise essens út í sósuna og hrærið saman, bætið því næst estragon við og hrærið saman.
Saltið og piprið sósuna eftir smekk. Gott að byrja á litlum skammti og bætsvo eftir smekk.
Fleirir uppskriftir má nálgast á vefsíðu hennar Lindaben.is
