Nýliðarnir sanka að sér dýrmætri reynslu Aron Guðmundsson skrifar 2. ágúst 2024 16:30 Jonathan Wheatley hefur leikið stórt hlutverk hjá meistaraliði Red Bull Racing í Formúlu 1 undanfarin ár. Vísir/Getty Hið nýja Formúlu 1 lið Audi er farið að taka á sig mynd og hefur þýski bílaframleiðandinn sankað að sér reynsluboltum úr mótaröðinni upp á síðkastið fyrir frumraun sína í Formúlu 1 Nú síðast var greint frá ráðningu Bretans reynslumikla Jonathan Wheatley frá margföldu meistaraliði Red Bull Racing í starf liðsstjóra Audi Formúlu 1 liðsins. Wheatley hefur verið á mála hjá Red Bull Racing undanfarin átján ár og hefur þar leiki stór hlutverk sem íþróttastjóri (e.sporting director). Fyrir þann tíma var Wheatley á mála hjá liði Benetton/Renault frá árinu 1991 til 2006. Þar vann hann sig á endanum upp í starf yfirtæknistjóra en á þessum árum vann liðið til tveggja heimsmeistaratitla í flokki bílasmiða. Á þessum tímamótum, nú þegar að Wheatley horfir fram á að ganga til liðs við Audi, segist hann stoltur af tíma sínum og árangrinum sem náðst hefur hjá Red Bull Racing. Hins vegar hafi það reynst erfitt fyrir hann að hafna tækifæri til þess að hafa yfirumsjón með innkomu nýs bílasmiðs í Formúlu 1. Því hafi hann ákveðið að söðla um og ganga til liðs við Audi. Wheatley mun engu að síður klára yfirstandandi tímabil með Red Bull Racing og í kjölfarið taka sér mánaða frí áður en hann hefur formlega störf hjá Audi í síðasta lagi í júlí á næsta ári. Þýski spaðinn Nico Hulkenberg verður einn af tveimur aðalökumönnum Formúlu 1 liðs Audi tímabilið 2026. Hann mun aka undir merkjum Sauber á næsta tímabili en liðið mun í kjölfarið keppa undir merkjum Audi.Vísir/Getty Fyrr á þessu ári tók Audi yfir Sauber liðið í Formúlu 1 og mun frá og með tímabilinu 2026, þegar miklar breytingar eiga sér stað á regluverki mótaraðarinnar, keppa undir merkjum Audi. Liðið hefur nú þegar gengið frá ráðningu á einum af tveimur aðalökumönnum sínum fyrir það tímabil. Hinn 36 ára gamli Þjóðverji, Nico Hulkenberg, skiptir yfir til Sauber frá Haas á næsta tímabili og mun svo frá og með tímabilinu 2026 aka fyrir Audi. Þá var greint frá því á dögunum að Ítalinn Mattia Binotto hefði verið ráðinn yfirmaður Formúlu 1 liðs Audi. Binotto var áður liðsstjóri Ferrari og koma hann og Jonathan Wheatley, verðandi liðsstjóri Audi, til með að hafa yfirumsjón með og bera ábyrgð Formúlu 1 liði þýska bílaframleiðandans. „Reynsla þeirra og færni mun hjálpa okkur við að fóta okkur mjög fljótt í samkeppnishæfa umhverfinu sem ríkir í Formúlu 1,“ segir Gernot Dollner, framkvæmdastjóri Audi. Akstursíþróttir Mest lesið Markvörður Real í fýlu og mætir ekki til Íslands Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn Varar við því að Norðmönnum gæti verið dæmdur leikurinn tapaður Fótbolti McGregor í langt bann en gæti keppt í Hvíta húsinu Sport Aðdáendur pirraðir eftir „ákvörðun“ LeBron James Körfubolti Lugu til um afa og ömmur sjö landsliðsmanna Fótbolti Telja að leikmenn United styðji Ruben Amorim Enski boltinn Vilja vopnahlé út um allan heim yfir Ólympíuleikana Sport Fleiri fréttir Russell fyrstur í mark í Singapúr og McLaren tryggði sigur bílasmiða George Russell á ráspól í Singapúr Hringt í flesta eigendur í Formúlu 1 eftir brottreksturinn frá Red Bull Segir ákvörðunina þá erfiðustu sem hann hafi tekið Tekur marga milljarða með sér og gæti snúið aftur með öðru liði Verstappen vann og Piastri úr leik á fyrsta hring Verstappen á ráspól eftir skrautlega tímatöku Norris fljótastur á síðustu æfingu í Baku Piastri sagt að hleypa Norris fram úr en Verstappen vann Verstappen á ráspól með hraðasta hring sögunnar Sjá meira
Nú síðast var greint frá ráðningu Bretans reynslumikla Jonathan Wheatley frá margföldu meistaraliði Red Bull Racing í starf liðsstjóra Audi Formúlu 1 liðsins. Wheatley hefur verið á mála hjá Red Bull Racing undanfarin átján ár og hefur þar leiki stór hlutverk sem íþróttastjóri (e.sporting director). Fyrir þann tíma var Wheatley á mála hjá liði Benetton/Renault frá árinu 1991 til 2006. Þar vann hann sig á endanum upp í starf yfirtæknistjóra en á þessum árum vann liðið til tveggja heimsmeistaratitla í flokki bílasmiða. Á þessum tímamótum, nú þegar að Wheatley horfir fram á að ganga til liðs við Audi, segist hann stoltur af tíma sínum og árangrinum sem náðst hefur hjá Red Bull Racing. Hins vegar hafi það reynst erfitt fyrir hann að hafna tækifæri til þess að hafa yfirumsjón með innkomu nýs bílasmiðs í Formúlu 1. Því hafi hann ákveðið að söðla um og ganga til liðs við Audi. Wheatley mun engu að síður klára yfirstandandi tímabil með Red Bull Racing og í kjölfarið taka sér mánaða frí áður en hann hefur formlega störf hjá Audi í síðasta lagi í júlí á næsta ári. Þýski spaðinn Nico Hulkenberg verður einn af tveimur aðalökumönnum Formúlu 1 liðs Audi tímabilið 2026. Hann mun aka undir merkjum Sauber á næsta tímabili en liðið mun í kjölfarið keppa undir merkjum Audi.Vísir/Getty Fyrr á þessu ári tók Audi yfir Sauber liðið í Formúlu 1 og mun frá og með tímabilinu 2026, þegar miklar breytingar eiga sér stað á regluverki mótaraðarinnar, keppa undir merkjum Audi. Liðið hefur nú þegar gengið frá ráðningu á einum af tveimur aðalökumönnum sínum fyrir það tímabil. Hinn 36 ára gamli Þjóðverji, Nico Hulkenberg, skiptir yfir til Sauber frá Haas á næsta tímabili og mun svo frá og með tímabilinu 2026 aka fyrir Audi. Þá var greint frá því á dögunum að Ítalinn Mattia Binotto hefði verið ráðinn yfirmaður Formúlu 1 liðs Audi. Binotto var áður liðsstjóri Ferrari og koma hann og Jonathan Wheatley, verðandi liðsstjóri Audi, til með að hafa yfirumsjón með og bera ábyrgð Formúlu 1 liði þýska bílaframleiðandans. „Reynsla þeirra og færni mun hjálpa okkur við að fóta okkur mjög fljótt í samkeppnishæfa umhverfinu sem ríkir í Formúlu 1,“ segir Gernot Dollner, framkvæmdastjóri Audi.
Akstursíþróttir Mest lesið Markvörður Real í fýlu og mætir ekki til Íslands Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn Varar við því að Norðmönnum gæti verið dæmdur leikurinn tapaður Fótbolti McGregor í langt bann en gæti keppt í Hvíta húsinu Sport Aðdáendur pirraðir eftir „ákvörðun“ LeBron James Körfubolti Lugu til um afa og ömmur sjö landsliðsmanna Fótbolti Telja að leikmenn United styðji Ruben Amorim Enski boltinn Vilja vopnahlé út um allan heim yfir Ólympíuleikana Sport Fleiri fréttir Russell fyrstur í mark í Singapúr og McLaren tryggði sigur bílasmiða George Russell á ráspól í Singapúr Hringt í flesta eigendur í Formúlu 1 eftir brottreksturinn frá Red Bull Segir ákvörðunina þá erfiðustu sem hann hafi tekið Tekur marga milljarða með sér og gæti snúið aftur með öðru liði Verstappen vann og Piastri úr leik á fyrsta hring Verstappen á ráspól eftir skrautlega tímatöku Norris fljótastur á síðustu æfingu í Baku Piastri sagt að hleypa Norris fram úr en Verstappen vann Verstappen á ráspól með hraðasta hring sögunnar Sjá meira