Enski boltinn

Tíu sem vert er að fylgjast með: Füll­krug, fram­herjar í Manchester og Ítali í Lundúnum

Runólfur Trausti Þórhallsson skrifar
Fæddur til að spila fyrir Hamrana.
Fæddur til að spila fyrir Hamrana. West Ham United

Það styttist í að enska úrvalsdeildin fari af stað og í tilefni þess tók breska ríkisútvarpið, BBC, saman tíu leikmenn sem eru að fara inn í sitt fyrsta tímabil í efstu deild Englands og vert er að fylgjast með.

Riccardo Calafiori (Arsenal)

Um er að ræða 22 ára gamlan varnarmann frá Ítalíu sem blómstraði á EM í sumar. Hárbandið og hárið minnir á varnarmann frá Ítalíu í upphafi aldar, það sama er hægt að segja um leikstíl varnamannsins. Hann er miðvörður að upplagi en mun að öllum líkindum leysa stöðu vinstri bakvarðar hjá Mikel Arteta.Masashi Hara/Getty Images

Joshua Zirkzee (Manchester United)

Þessi 23 ára Hollendingur átti frábært tímabil með Bologna í Serie A á Ítalíu á síðustu leiktíð. Hann kom að 19 mörkum í 37 deildarleikjum þegar Bologna tryggði sér Meistaradeildarsæti. Zirkzee sjálfur segir að hann sé meiri fölsk nía heldur en framherji af gamla skólanum og því verður áhugavert að sjá hvernig hann passar inn í lið Rauðu Djöflanna.Richard Sellers/Getty Images

Sávio Moreira de Oliveira (Manchester City)

Þessi tvítugi Brasilíumaður er einfaldlega þekktur sem Sávio. Hann kemur til Manchester City frá systurfélagi liðsins Troyes þar sem hann spilaði þó aldrei leik. Á síðustu leiktíð blómstraði hann með Girona á Spáni, öðru félagi í eigu City Football Group, og var því var næsta skref eðlilega til Man City sem trónir á toppi liðanna sem CFG á.EPA-EFE/CAROLINE BREHMAN

Niclas Füllkrug (West Ham United)

Ein óvæntustu félagaskipti sumarsins. Er að blómstra núna undir lok ferilsins en framherjinn er orðinn 31 árs. Skoraði 15 mörk fyrir Borussia Dortmund á síðustu leiktíð og vonast til að endurtaka leikinn með Hömrunum á komandi leiktíð.Crystal Pix/Getty Images

Daichi Kamada (Crystal Palace)

Kamada lék undir stjórn Oliver Glasner, þjálfara Palace, hjá Eintracht Frankfurt. Er 27 ára gamall sóknarþenkjandi miðjumaður sem kemur frá Lazio á Ítalíu. Á eflaust að hjálpa til við að fylla skarð Michael Olise sem fór til Bayern München í sumar.EPA-EFE/RICCARDO ANTIMIANI

Lucas Bergvall (Tottenham Hotspur)

18 ára gamall miðjumaður sem var einnig orðaður við Barcelona áður en hann ákvað að ganga í raðir Tottenham.EPA-EFE/JEON HEON-KYUN

Jake O‘Brien (Everton)

Írskur miðvörður sem gekk í raðir Everton frá Lyon á 17 milljónir sterlingspunda. Er 23 ára gamall.EPA-EFE/Teresa Suarez

Nikola Milenković (Nottingham Forest)

Serbneskur 26 ára gamall miðvörður með 56 A-landsleiki á bakinu. Mun þurfa að tækla og skalla mikið í vetur ætli Forest að halda sér uppi.EPA-EFE/ANNA SZILAGYI

Liam Delap (Ipswich Town)

Framherji sem er 21 árs gamall og þarf heldur betur að eiga gott tímabil ætli drengirnir hans Kieran McKenna að halda sér í deild þeirra bestu. Er sonur goðsagnarinnar Rory Delap.EPA-EFE/TIM KEETON

Dean Huijsen (Bournemouth)

Enn einn miðvörðurinn á listanum. Þessi er 19 ára gamall og var á láni hjá Roma frá Juventus á síðustu leiktíð. Gekk óvænt í raðir Bournemouth en stefnir eflaust hærra þegar fram líða stundir.EPA-EFE/FEDERICO PROIETTI
Fótbolti Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið