Innlent

Mið­flokkurinn að taka fram úr Sjálf­stæðis­flokknum í fylgi

Heimir Már Pétursson skrifar
Sigmundur Davíð Gunnlaugsson fylgist þungbúinn með ræðu Guðrúnar Hafsteinsdóttur dómsmálaráðherra. Miðflokkurinn hefur ekki hvað síst gagnrýnt ríkisstjórnina fyrir slæleg vinnubrögð í útlendingamálum.
Sigmundur Davíð Gunnlaugsson fylgist þungbúinn með ræðu Guðrúnar Hafsteinsdóttur dómsmálaráðherra. Miðflokkurinn hefur ekki hvað síst gagnrýnt ríkisstjórnina fyrir slæleg vinnubrögð í útlendingamálum. Stöð 2/Arnar

Miðflokkurinn er orðinn næst stærsti flokkurinn á Alþingi, en ekki er marktækur munur á fylgi hans og Sjálfstæðisflokksins. Formaður Miðflokksins segir þetta til marks um að skynsemin sé farin að ná til kjósenda.

Könnunin sem var gerð dagana 7. til 27. ágúst sýnir að Samfylkingin nýtur enn mesta fylgis með 25,5 prósent. 

Hér sést að Miðflokkurinn hefur tekið fram úr Sjálfstæðisflokknum, þótt ekki sé marktækur munur á fylgi flokkanna.Grafik/Sara

Stóru tíðindin eru hins vegar þau að fylgi Sjálfstæðisflokksins heldur áfram að dala og mælist nú 13,9 prósent og Miðflokkurinn heldur áfram að bæta við sig og mælist nú með 15,3 prósent. Ekki er marktækur munur á flokkunum tveimur.

Sigmundur Davíð Gunnlaugsson formaður Miðflokksins segir þetta mikil tíðindi. Fylgi sveiflist aftur á móti í könnunum og því megi ekki taka neinu sem gefnu.

Sigmundur Davíð Gunnlaugsson segir fylgisaukningu Miðflokksins megi rekja til aukinnar skynsemishyggju meðal kjósenda.Vísir/Vilhelm

„Hins vegar er alveg ljóst að ef við fáum þetta sterka stöðu í kosningum munum við getað breytt hlutunum mjög verulega til hins betra á Íslandi í framhaldinu,“ segir Sigmundur Davíð. Með því að innleiða aftur skynsemishyggju í stjórnmálin á Íslandi, sem hafi týnst eins og víða annars staðar. Með heilbrigðri skynsemi mætti koma öllum stóru málunum í lag.

„Hælisleitendamálunum, ríkisfjármálunum, orkumálunum. Stórum málum sem smáum. Það eina sem vantar er heilbrigða skynsemi inn í pólitíkina aftur,“ segir formaður Miðflokksins.

Fylgi annarra flokka en taldir hafa verið upp breytist ekki mikið milli kannana. Stjórnarflokkarnir hafa allir tapað miklu fylgi frá kosningunum 2021 og mælast nú samanlagt með aðeins 27,5 prósent. Vinstri græn eru þó nær því nú en í síðustu könnun að halda fulltrúum á þingi. Bæta við sig 0,6 prósentustigum og mælast í dag með 4,6 prósent.

Hér sést vel hvernig Miðflokkurinn hefur stöðugt verið að sækja á en Sjálfstæðisflokkurinn að missa fylgi.Grafík/Sara

Miðflokkurinn hefur hins vegar bætt stöðugt við sig fylgi frá kosningunum 2021 þegar hann fékk 5,4 prósent atkvæða og þrjá menn kjörna. Nú gæti fimmtán prósenta fylgi tryggt honum tíu þingmenn og Sjálfstæðisflokkurinn gæti tapað sjö þingmönnum.

Sigmundur Davíð segir vænlegast að kjósa sem fyrst.

„Já, já ég myndi auðvitað vilja fá kosningar sem fyrst. Erindi ríkisstjórnarinnar er lokið. Það blasir við öllum.“ Hann giski á að kosið verði næsta vor og það réttlætt sem hentugri tími til kosninga en haustið.

„Það er þá ekki niðurlæging fyrir þau að hafa kosningarnar í vor. En tíminn fram að því hlýtur að verða erfiður fyrir þessa ríkisstjórn og ekki annað að sjá en ágreiningurinn aukist dag frá degi,“ segir Sigmundur Davíð Gunnlaugsson.

Ríkisstjórn Bjarna Benediktssonar Alþingi Miðflokkurinn Sjálfstæðisflokkurinn Skoðanakannanir

Tengdar fréttir

Ekki gott fyrir ríkisstjórn að takast á í fjölmiðlum

„Það er ekki gott fyrir ríkisstjórnina að takast svona á í fjölmiðlum. Við eigum að gera það við ríkisstjórnarborðið. Þar er góður andi og það er liðsheild í þessum hópi. Við höfum afkastað mjög miklu á þessum tveimur kjörtímabilum.“

Segir DNA-tal ráðherra fráleita skýringu á verðbólgu

Stjórn Eflingar fordæmir hagstjórn Seðlabankans og segir ákvarðanir peningastefnunefndar einungis koma niður á þeim tekjulægstu - ekki tekjuhærri sem haldi áfram á neyslufylleríi. Formaður félagsins segir ummæli fjármálaráðherra um að verðbólga sé í erfðamengi Íslendinga fráleit.

Ráðherrar tala út og suður um útlendingamál

Dómsmálaráðherra boðar frumvarp í haust um breytingar á útlendingalögum sem meðal annars feli í sér lokað búsetuúrræði fyrir hælisleitendur við komuna til landsins og þá sem hafa fengið synjun um alþjóðlega vernd. Félagsmálaráðherra telur hins vegar enga þörf á þessum breytingum.

Íslendingar eyða og eyða þrátt fyrir verðbólgu og háa vexti

Ekkert lát er á eyðslu og neyslu Íslendinga og erlendra ferðamanna og enn er mikil þensla á húsnæðismarkaði sem keyrir verðbólguna áfram. Forsætisráðherra segir hagvöxt enn og aftur langt umfram spár. Fjármálaráðherra segir Seðlabankann hljóta að íhuga áhrif stýrivaxta þegar heimilin flýi með húsnæðislánin í skjól verðtryggingarinnar.

Mest lesið


Fleiri fréttir

Sjá meira


×

Mest lesið