Innlent

Fallist á geðrannsókn á hinum grunaða

Tómas Arnar Þorláksson skrifar
Frá Neskaupsstað þar sem ódæðið átti sér stað.
Frá Neskaupsstað þar sem ódæðið átti sér stað. Vísir/Vilhelm

Lögreglustjórinn á Austurlandi hefur farið fram á áframhaldandi gæsluvarðhald yfir manni sem er grunaður um að hafa orðið hjónum að bana í Neskaupstað í síðustu viku. Lögreglan gerði einnig kröfu um geðrannsókn á hinum grunaða en fallist var á þá kröfu.

Þetta kemur fram í tilkynningu frá lögreglunni á Austurlandi. 

Kristján Ólafur Guðnason, yfirlögregluþjónn á Austurlandi, segir í samtali við Vísi að gerð hafi verið krafa um áframhaldandi gæsluvarðhald með tilliti til rannsóknarhagsmuna og að niðurstaða frá dómnum muni liggja fyrir í dag eða á morgun.

Eldri hjón fundust látin á heimili sínu í Neskaupstað fyrir viku síðan og sama dag var maður handtekinn í Reykjavík grunaður um banatilræðið. Fallist var á kröfu lögreglustjórans á Austurlandi um gæsluvarðhald og einangrun þann 23. ágúst en það rennur út á morgun. 

„Rannsókn málsins miðar vel. Enn er þó unnið að gagnaöflun hverskonar og úrvinnslu, svo sem á rafrænum gögnum og gögnum af vettvangi. Sú vinna mun taka tíma,“ segir í tilkynningu lögreglu.

Rannsókn á andláti hjóna í Neskaupstað Fjarðabyggð Lögreglumál

Mest lesið


Fleiri fréttir

Sjá meira


×

Mest lesið