Hljómi eins og ösku­bakki

„Ég elska Miley. Ég hef alltaf elskað Miley,“ segir Urban meðal annars í hlaðvarpsþættinum sem ber nafnið „Fitzy and Wippa with Kate Ritchie.“ Söngvarinn segir rödd söngkonunnar algjörlega einstaka. Sjálfur hefur hann haft það gott síðustu ár, þá helst sem dómari í bandarísku raunveruleikaþáttunum American Idol.

„Þessi rödd, maður minn, þessi rödd. Hún hljómar eins og öskubakki og ég meina það sem hrós,“ segir söngvarinn meðal annars um söngkonuna knáu sem vann nýlega til Grammy verðlauna fyrir lag sitt Flowers. Þess er getið í umfjöllun PageSix um ummæli Urban að hann hafi einmitt margsinnis tekið lag hennar á tónleikum sínum.

Þá hefur hann einnig tekið lög annarra tónlistarkvenna líkt og Taylor Swift og Ariana Grande. Hann hefur einnig hrósað þeim og sagt söngkonurnar algjörlega einstakar.

Söngkonan tók Flowers á Grammy verðlaunahátíðinni í febrúar síðastliðnum.