Ólafur ekki með FH næstu vikurnar

Það er Handbolti.is sem greinir fyrst frá þessum tíðindum en um er að ræða mikið högg fyrir ríkjandi Íslandsmeistarana sem sóttu Ólaf í sumar. Undanfarin fjögur ár lék Ólafur með KA á Akureyri en ákvað að semja við uppeldisfélagið í sumar.

Hinn 35 ára gamli Ólafur hefur einnig spilað fyrir Stjörnuna hér á landi ásamt því að spila sem atvinnumaður fyrir Kolding og Álaborg í Danmörku og Flensburg í Þýskalandi.

Skyttan fór í speglun á hné fyrir skemmstu þar sem kom í ljós að hann yrði frá næstu vikurnar.

FH hóf tímabilið með fjögurra marka sigri á Fram í Olís-deild karla