Ní­tján marka stór­sigur hjá Haukum

Grótta byrjaði leikinn ágætlega og tók meira að segja forystuna fyrst um sinn, en heimakonur höfðu öll völd á vellinum eftir það.

Staðan í hálfleik var 16-7 og gestirnir komu aðeins fjórum fleiri mörkum að í seinni hálfleik. Lokaniðurstaða 30-11 í þægilegum sigri fyrir Hauka.

Markmenn Hauka vörðu hlutfallslega vel, en fengu mjög fá skot á sig, 12 varin af 23 skotum.

Í sókninni fór Elín Klara mestan, með 7 mörk úr 10 skotum, auk þess að gefa 7 stoðsendingar.

Haukar hafa nú unnið þrjá af fjórum leikjum í upphafi tímabils, tapið kom gegn Fram í annarri umferð. Grótta vann gegn Selfossi í þeirri umferð, en hefur tapað hinum þremur leikjunum.

Liðin sitja í 3. og 6. sæti deildarinnar, en hafa spilað einum fleiri leik en hin liðin.