Sel­foss upp fyrir Stjörnuna

Staðan í hálfleik var 9-13 og lokatölur í Garðabæ voru 19-25, sex marka sigur gestanna staðreynd.

Eva Björk Davíðsdóttir var markahæst í liði Stjörnunnar með 5 mörk en Hrafnhildur Anna Þorleifsdóttir var án efa besti maður heimaliðsins í kvöld en hún varði 16 skot í markinu, þar af eitt víti, og var með 39 prósent markvörslu.

Hjá gestunum var Harpa Valey Gylfadóttir markahæst með 8 mörk á meðan Perla Ruth Albertsdóttir skoraði 5 mörk. í markinu varði Cornelia Linnea Hermannsson 13 skot og var með 41 prósent markvörslu.

Sigurinn lyftir Selfyssingum upp í 5. sætið með fimm stig á meðan Stjarnan er sæti neðar með stigi minna.