Þau skipa efstu sætin á listum Lýð­ræðis­flokksins

Arnar Þór Jónsson, lögmaður og stofnandi flokksins, leiðir í Suðvesturkjördæmi, Baldur Borgþórsson, ráðgjafi og fyrrverandi varaborgarfulltrúi, í Reykjavíkurkjördæmi norður, Kári Allanson, lögfræðingur og tónlistarmaður, í Reykjavíkurkjördæmi suður, Elvar Eyvindsson bóndi í Suðurkjördæmi, Gunnar Viðar Þórarinsson framkvæmdastjóri í Norðausturkjördæmi og Eldur Smári Kristinsson, formaður Samtakanna 22, í Norðvesturkjördæmi.

Í tilkynningu frá flokknum segir að þessir frambjóðendur hafi það að leiðarljósi að vernda hagsmuni almennings gagnvart valdakerfinu, með megináherslu á að endurvekja sjálfsákvörðunarrétt, dreifingu valds og íslenskt fullveldi.

„Lýðræðisflokkurinn var stofnaður með það markmið að auka einstaklingsfrelsi og draga úr miðstýringu ríkisvaldsins. Flokkurinn leggur áherslu á að tryggja borgurum rétt til að taka sjálfstæðar ákvarðanir um eigin líf, sér í lagi á sviðum efnahags, atvinnumála og menningar. Með stefnu um hófsemi í ríkisútgjöldum og skattalækkanir stefnir flokkurinn að því að efla atvinnufrelsi og skapa ný tækifæri í íslensku efnahagslífi,“ segir í tilkynningunni.

Athygli vekur að eiginkona Arnars Þórs, Hrafnhildur Sigurðardóttir, skipar annað sæti í Suðvesturkjördæmi. 

Efstu þrír frambjóðendur í hverju kjördæmi eru eftirfarandi:

Suðvesturkjördæmi:

• 1. Arnar Þór Jónsson, lögmaður
• 2. Hrafnhildur Sigurðardóttir, kennari
• 3. Magnús Gehringer, framkvæmdastjóri

Reykjavíkurkjördæmi norður:

• 1. Baldur Borgþórsson, ráðgjafi og fyrrverandi varaborgarfulltrúi
• 2. Hildur Þórðardóttir, rithöfundur
• 3. Þórarinn Guðbjörnsson, áhættustjóri

Reykjavíkurkjördæmi suður:

• 1. Kári Allanson, lögfræðingur og tónlistarmaður
• 2. Ívar Orri Ómarsson, verslunareigandi
• 3. Elinóra Inga Sigurðardóttir, frumkvöðull og hjúkrunarfræðingur

Suðurkjördæmi:

• 1. Elvar Eyvindsson, bóndi
• 2. Birkir Einarsson, framkvæmdastjóri
• 3. Guðbjörg Elísa Hafsteinsdóttir, söngkona

Norðausturkjördæmi:

• 1. Gunnar Viðar Þórarinsson, framkvæmdastjóri
• 2. Helga Dögg Sverrisdóttir, kennari og sjúkraliði
• 3. Bergvin Bessason, blikksmiður

Norðvesturkjördæmi:

• 1. Eldur Smári Kristinsson, formaður Samtakanna 22
• 2. Ágústa Árnadóttir, snyrtifræðingur
• 3. Sigurður Bjarnason, kerfisfræðingur