Fótbolti

Davíð Kristján með þrennu

Ingvi Þór Sæmundsson skrifar
Davíð Kristján Ólafsson skoraði þrjú fyrstu mörk Cracovia gegn Motor Lublin.
Davíð Kristján Ólafsson skoraði þrjú fyrstu mörk Cracovia gegn Motor Lublin. getty/Marcin Golba

Cracovia vann 6-2 sigur á Motor Lublin í pólsku úrvalsdeildinni í fótbolta í dag. Davíð Kristján Ólafsson gerði sér lítið fyrir og skoraði þrennu í leiknum auk þess að leggja eitt mark upp.

Upphafsmínútur leiksins voru mjög fjörugar. Gestirnir komust yfir strax á 2. mínútu en Davíð jafnaði fjórum mínútum síðar. Motor Lublin endurheimti forystuna á 8. mínútu og staðan var 1-2 allt þar til mínúta var eftir af fyrri hálfleik.

Þá skoraði Davíð sitt annað mark og staðan í hálfleik því 2-2. Davíð fullkomnaði svo þrennu sína þegar hann kom Cracovia í 3-2 á 72. mínútu.

Heimamenn bættu svo þremur mörkum við á lokakaflanum. Davíð lagði það sjötta og síðasta upp.

Með sigrinum komst Cracovia upp í 3. sæti deildarinnar. Liðið er með 26 stig, tveimur stigum á eftir toppliði Lech Poznan.

Fótbolti

Mest lesið


Fleiri fréttir

Sjá meira


×

Mest lesið