Veszprém og Pick Szeged jöfn að stigum fyrir toppslaginn

Pler – Pick Szeged 27-41

Pick Szeged vann stórsigur á útivelli gegn Pler, liði frá höfuðborginni Búdapest. Sigurinn var aldrei í hættu fyrir efsta lið deildarinnar gegn 9. sætinu. Fjórtán mörkum munaði þegar flautað var af, 27-41.

Janus Daði Smárason eyddi rúmlega 31 mínútu á gólfinu og skoraði 5 mörk úr 6 skotum fyrir Pick Szeged. Hann var þriðji markahæstur á eftir Spánverjanum Imanol Garciandia sem skoraði sjö mörk og Ungverjanum Bánhidi Bence sem skoraði sex.

Veszprém – Gyöngyös 40-25

Ríkjandi meistararnir tóku á móti liðinu sem situr í 11. sæti og unnu öruggan og stóran sigur. 40-25 lokaniðurstaðan í lítið spennandi leik.

Bjarki Már Elísson átti góðan leik í vinstra horni heimaliðsins, spilaði tæpar 35 mínútur og skoraði 5 mörk úr 7 skotum.

Aron Pálmarsson gekk nýlega til liðs við Veszprém en hefur ekki enn spilað leik. Hann hefur verið að glíma við meiðsli.

Staðan í deildinni

Vesprém er í efsta sæti deildarinnar með fullt hús stiga, 16 stig eftir 8 leiki. Pick Szeged er í öðru sæti með jafnmörg stig en hefur leikið einum fleiri leik. Tapið kom gegn Csurgó í þarsíðustu umferð.

Toppslagur verður svo leikinn í næstu umferð þegar Pick Szeged tekur á móti Vesprém.