Enski boltinn

Nist­el­rooy yfir­gefur Man United með til­komu Amorim

Runólfur Trausti Þórhallsson skrifar
Nistelrooy sneri aftur á Old Trafford í sumar og er í miklum metum hjá stuðningsfólki félagsins. Hann hefur hins vegar yfirgefið félagið vegna tilkomu nýs þjálfara.
Nistelrooy sneri aftur á Old Trafford í sumar og er í miklum metum hjá stuðningsfólki félagsins. Hann hefur hins vegar yfirgefið félagið vegna tilkomu nýs þjálfara. Simon Stacpoole/Getty Images

Ruud van Nistelrooy er ekki lengur hluti af þjálfarateymi enska knattspyrnufélagsins Manchester United. Rúben Amorim tekur við starfi aðalþjálfara á næstu dögum og tekur með sér nokkra trausta aðstoðarmenn frá Portúgal.

Þessi fyrrum leikmaður Rauðu djöflanna gekk í raðir þeirra í sumar til að taka við starfi aðstoðarþjálfara. Nistelrooy tók síðan við liðinu er samlandi hans Erik ten Hag var látinn taka poka sinn þann 28. október.

Undir hans stjórn spilaði liðið fjóra leiki, vann þrjá og gerði eitt jafntefli. Í leikjunum fjórum skoraði liðið 11 mörk en þar áður hafði liðinu gengið vægast sagt illa fyrir framan mark andstæðinganna.

Þegar tilkynnt var um komu Amorim til Manchester United var ekki vitað hversu mikið af starfsliði kæmi með honum. Nú er ljóst að hann tekur það marga með sér að ekki er pláss fyrir Nistelrooy.

Markamaskínan fyrrverandi er ekki eini þjálfarinn sem er á förum en sama á við um þá Rene Hake, Jelle ten Rouwelaar og Pieter Morel.

Man United er í 13. sæti ensku úrvalsdeildarinnar en þó aðeins fjórum stigum frá Meistaradeildarsæti.

Fótbolti Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið