Trump-liðar heita aðgerðum gegn sakamáladómstólnum Samúel Karl Ólason skrifar 22. nóvember 2024 10:50 Benjamín Netanjahú og Yoev Gallant. AP/Abir Sultan Ráðamenn í Ísrael hafa brugðist reiðir við ákvörðun dómara Alþjóðlega sakamáladómstólsins (ICC) að gefa út handtökuskipun á hendur forsætisráðherra og fyrrverandi varnarmálaráðherra Ísrael. Báðir eru sakaðir um stríðsglæpi og glæpi gegn mannkyninu á Gasa, þar sem Ísraelar hafa verið að gera mannskæðar árásir í rúmt ár. Margir áhrifamenn í Bandaríkjunum hafa einnig gagnrýnt dómstólinn harðlega og menn úr röðum Trump-liða heita aðgerðum. Benjamín Netanjahú, forsætisráðherra Ísrael, fordæmdi ákvörðunina og sagði Ísrael hafna henni með „viðbjóði“, eins og bent er á í frétt AP fréttaveitunnar. Dómstóllinn gaf einnig út handtökuskipun á hendur Mohammed Diab Ibrahim Al-Masri, eða „Deif“, æðsta hernaðarleiðtoga Hamas-samtakanna. Óljóst er hvort hann sé á lífi, en fyrr á þessu ári fór æðsti saksóknari ICC fram á handtökuskipun á hendur þeim þremur auk þeirra Ismail Haniyeh og Yahya Sinwar, fyrrverandi leiðtogum Hamas-samtakanna, en þeir hafa báðir verið felldir af Ísraelum. Ísraelar segja að Deif sé einnig dáinn en það hefur ekki verið staðfest. Sjá einnig: Gefa út handtökuskipun á hendur Netanjahú Ísrael er ekki eitt af þeim 124 ríkjum sem hafa skrifað undir Rómarsamþykktina um stofnun Alþjóðlega sakamáladómstólsins. Ferðist Netanjahú eða aðrir sem dómstóllinn hefur lýst eftir til þessara ríkja, eiga þeir að vera handteknir. Bandaríkin, helstu bakhjarlar Ísrael, hafa ekki heldur skrifað undir sáttmálann. Það hafa Rússar né Kínverjar ekki heldur gert. Ráðamenn nokkurra ríkja sem hafa skrifað undir sáttmálann hafa lýst því yfir að ferðist Netanjahú þangað verði hann handtekinn. Frá höfuðstöðvum Alþjóðlega sakamáladómstólsins í Haag.AP/Peter Dejong Viktor Orbán, forsætisráðherra Ungverjalands, hefur lýst því yfir að Netanjahú verði ekki handtekinn þar, þó ríkið hafi skrifað undir Rómarsamþykktina. Í viðtali gagnrýndi hann dómstólinn harðlega. Biden segist standa með Ísrael Karine Jean-Pierra, talskona Bidens, sagði í gær að ferli ICC væri „gallað“. Vísaði hún til þess hvernig Karim Khan, æðsti saksóknari dómstólsins, hefði staðið að rannsókn á Nicolas Maduro, forseta Venesúela, og hvernig yfirvöld í Ísrael hefðu ekki fengið tækifæri til að bregðast við aðgerðum dómstólsins. Sagði hún það draga úr trúverðugleika dómstólsins og rannsókn saksóknarans. Ríkisstjórn Bidens hefur þó neitað, enn sem komið er, að fara í aðgerðir gegn dómstólnum. Eftir að saksóknari ICC fór fram á handtökuskipanirnar í maí, samþykkti fulltrúadeild Bandaríkjaþings frumvarp um að beita starfsmenn dómstólsins refsiaðgerðum. Atkvæðagreiðslan um frumvarpið fór 247-155 og var hún studd af 42 þingmönnum Demókrataflokksins. Biden sagðist mótfallinn frumvarpinu og það var aldrei tekið fyrir í öldungadeildinni. Hvíta húsið sendi í gær út yfirlýsingu þar sem handtökuskipanirnar gegn Netanjahú og Gallant voru fordæmdar og þeim hafnað. Í henni var haft eftir Biden að þær væru forkastanlegar og ómögulegt væri að setja Ísrael og Hamas á sama stall. „Við munum ávallt standa með Ísrael og öryggi þess.“ Bandarískir þingmenn hafa margir slegið á svipaða strengi og hafa sumir þeirra kallað eftir aðgerðum gegn dómstólnum. Þeirra á meðal er öldungadeildarþingmaðurinn Lindsey Graham, sem er náinn bandamaður Donalds Trump, sem flytur í Hvíta húsið í janúar. Mike Waltz, fulltrúadeildarþingmaður frá Flórída, og verðandi þjóðaröryggisráðgjafi Trumps, lýsti því yfir að dómstóllinn hefði engan trúverðugleika og að yfirvöld Bandaríkjanna hefðu afsannað ásakanirnar gegn Netanjahú og Gallant. Hann sagði einnig að búast mætti við hörðum viðbrögðum gegn ICC og Sameinuðu þjóðunum í janúar og sakaði hann þessar stofnanir um gyðingahatur. The ICC has no credibility and these allegations have been refuted by the U.S. government. Israel has lawfully defended its people & borders from genocidal terrorists. You can expect a strong response to the antisemitic bias of the ICC & UN come January. https://t.co/jIalwzooeS— Rep. Mike Waltz (@michaelgwaltz) November 21, 2024 Þegar Trump var síðast forseti beitt hann Sakamáladómstólinn refsiaðgerðum. Hann hefur þó ekki tjáð sig um mál Netanjahús og Gallants. Í fámennum hópi Netanjahú er nú kominn í tiltölulega fámennann hóp þjóðarleiðtoga og stríðsherra sem hafa verið ákærðir af Alþjóðlega sakamáladómstólnum. Þeirra á meðal eru Omar al-Bashir, fyrrverandi forseti Súdan, Moammar Gadhafi, fyrrverandi leiðtogi Líbíu, Joseph Kony, alræmdur stríðsherra frá Úganda, og Vladimír Pútín, forseti Rússlands. Sjá einnig: Gefa út handtökuskipun á hendur Pútín Eins og í tilfelli Pútíns, þykir ólíklegt að Netanjahú og Gallant muni nokkurn tímann standa frammi fyrir dómurum ICC. Handtökuskipanirnar gætu takmarkað ferðalög þeirra um heiminn en án stuðnings Bandaríkjanna er einnig ólíklegt að þær muni hafa mikil áhrif á hernað Ísraela á Gasaströndinni. Í frétt AP segr að heilt yfir hafi ICC gefið út handtökuskipanir á hendur sextíu manns. Af þeim hefur 21 verið færður fyrir dómara. Ellefu hafa verið sakfelldir og fjórir sýknaðir. Þrjátíu eru enn taldir ganga lausir. Ísrael Átök í Ísrael og Palestínu Bandaríkin Joe Biden Donald Trump Mest lesið Tugir drengja fastir í rústum skóla sem hrundi til grunna Erlent Leiðtogar fagna áætluninni en bíða svara frá Hamas Erlent Hópslagsmál og hundaárás Innlent Sundlaugar borgarinnar verði bættar fyrir ungbarnafjölskyldur Innlent Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Hættir sem þingflokksformaður Innlent Misstu allt samband við Internetið Erlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Fleiri fréttir „Við erum ekki í stríði en við búum ekki við frið,“ Um þúsund manns teknir af lífi í Íran það sem af er ári Tugir drengja fastir í rústum skóla sem hrundi til grunna Leiðtogar fagna áætluninni en bíða svara frá Hamas Misstu allt samband við Internetið Erlendir miðlar fjalla um gjaldþrot Play Ísraelar samþykkja friðaráætlun Trumps Mafíósar dæmdir til dauða Öruggur um að brátt ríki friður á Gasa Freista þess að koma aðildarumsókn Úkraínu fram hjá Orbán Adams hættir og Cuomo og Mamdani skiptast á skotum Fyrrverandi landgönguliði drap að minnsta kosti fjóra í Michigan Evrópusinnar héldu meirihluta í Moldóvu Orrustuþotur yfir Borgundarhólmi og drónar trufla flug í Noregi Fjöldi fórnarlamba eftir skothríð og íkveikju í kirkju mormóna Æðsti leiðtogi mormóna látinn Banna dróna yfir Danmörku Óttast úrbræðslu vegna rafmagnsleysis í kjarnorkuveri Sjálft lýðræðið undir er Moldóvar ganga til kosninga Vill fá Trump til að gefa Taívan upp á bátinn Segist hafa hafnað boði til einkaeyju Epsteins Árásir stóðu yfir í rúma tólf tíma Dróna- og skuggastríð í Evrópu: Hvað gengur Rússum til og hvað getur NATO gert? Sigar hernum á „hryðjuverkamenn“ í Portland Ráku starfsmenn FBI sem fóru á hnéð eftir morðið á Floyd Fundu leynilega sígarettuverksmiðju í neðanjarðarbyrgi Drónar sáust á flugi yfir herflugvelli í Danmörku og Noregi Ræningjar fjölmenntu með byssur og haka í skartgripabúð Musk, Thiel og Andrés nefndir í nýjum skjölum Epsteins Ætlar að peppa herforingjana á fundinum fordæmalausa Sjá meira
Margir áhrifamenn í Bandaríkjunum hafa einnig gagnrýnt dómstólinn harðlega og menn úr röðum Trump-liða heita aðgerðum. Benjamín Netanjahú, forsætisráðherra Ísrael, fordæmdi ákvörðunina og sagði Ísrael hafna henni með „viðbjóði“, eins og bent er á í frétt AP fréttaveitunnar. Dómstóllinn gaf einnig út handtökuskipun á hendur Mohammed Diab Ibrahim Al-Masri, eða „Deif“, æðsta hernaðarleiðtoga Hamas-samtakanna. Óljóst er hvort hann sé á lífi, en fyrr á þessu ári fór æðsti saksóknari ICC fram á handtökuskipun á hendur þeim þremur auk þeirra Ismail Haniyeh og Yahya Sinwar, fyrrverandi leiðtogum Hamas-samtakanna, en þeir hafa báðir verið felldir af Ísraelum. Ísraelar segja að Deif sé einnig dáinn en það hefur ekki verið staðfest. Sjá einnig: Gefa út handtökuskipun á hendur Netanjahú Ísrael er ekki eitt af þeim 124 ríkjum sem hafa skrifað undir Rómarsamþykktina um stofnun Alþjóðlega sakamáladómstólsins. Ferðist Netanjahú eða aðrir sem dómstóllinn hefur lýst eftir til þessara ríkja, eiga þeir að vera handteknir. Bandaríkin, helstu bakhjarlar Ísrael, hafa ekki heldur skrifað undir sáttmálann. Það hafa Rússar né Kínverjar ekki heldur gert. Ráðamenn nokkurra ríkja sem hafa skrifað undir sáttmálann hafa lýst því yfir að ferðist Netanjahú þangað verði hann handtekinn. Frá höfuðstöðvum Alþjóðlega sakamáladómstólsins í Haag.AP/Peter Dejong Viktor Orbán, forsætisráðherra Ungverjalands, hefur lýst því yfir að Netanjahú verði ekki handtekinn þar, þó ríkið hafi skrifað undir Rómarsamþykktina. Í viðtali gagnrýndi hann dómstólinn harðlega. Biden segist standa með Ísrael Karine Jean-Pierra, talskona Bidens, sagði í gær að ferli ICC væri „gallað“. Vísaði hún til þess hvernig Karim Khan, æðsti saksóknari dómstólsins, hefði staðið að rannsókn á Nicolas Maduro, forseta Venesúela, og hvernig yfirvöld í Ísrael hefðu ekki fengið tækifæri til að bregðast við aðgerðum dómstólsins. Sagði hún það draga úr trúverðugleika dómstólsins og rannsókn saksóknarans. Ríkisstjórn Bidens hefur þó neitað, enn sem komið er, að fara í aðgerðir gegn dómstólnum. Eftir að saksóknari ICC fór fram á handtökuskipanirnar í maí, samþykkti fulltrúadeild Bandaríkjaþings frumvarp um að beita starfsmenn dómstólsins refsiaðgerðum. Atkvæðagreiðslan um frumvarpið fór 247-155 og var hún studd af 42 þingmönnum Demókrataflokksins. Biden sagðist mótfallinn frumvarpinu og það var aldrei tekið fyrir í öldungadeildinni. Hvíta húsið sendi í gær út yfirlýsingu þar sem handtökuskipanirnar gegn Netanjahú og Gallant voru fordæmdar og þeim hafnað. Í henni var haft eftir Biden að þær væru forkastanlegar og ómögulegt væri að setja Ísrael og Hamas á sama stall. „Við munum ávallt standa með Ísrael og öryggi þess.“ Bandarískir þingmenn hafa margir slegið á svipaða strengi og hafa sumir þeirra kallað eftir aðgerðum gegn dómstólnum. Þeirra á meðal er öldungadeildarþingmaðurinn Lindsey Graham, sem er náinn bandamaður Donalds Trump, sem flytur í Hvíta húsið í janúar. Mike Waltz, fulltrúadeildarþingmaður frá Flórída, og verðandi þjóðaröryggisráðgjafi Trumps, lýsti því yfir að dómstóllinn hefði engan trúverðugleika og að yfirvöld Bandaríkjanna hefðu afsannað ásakanirnar gegn Netanjahú og Gallant. Hann sagði einnig að búast mætti við hörðum viðbrögðum gegn ICC og Sameinuðu þjóðunum í janúar og sakaði hann þessar stofnanir um gyðingahatur. The ICC has no credibility and these allegations have been refuted by the U.S. government. Israel has lawfully defended its people & borders from genocidal terrorists. You can expect a strong response to the antisemitic bias of the ICC & UN come January. https://t.co/jIalwzooeS— Rep. Mike Waltz (@michaelgwaltz) November 21, 2024 Þegar Trump var síðast forseti beitt hann Sakamáladómstólinn refsiaðgerðum. Hann hefur þó ekki tjáð sig um mál Netanjahús og Gallants. Í fámennum hópi Netanjahú er nú kominn í tiltölulega fámennann hóp þjóðarleiðtoga og stríðsherra sem hafa verið ákærðir af Alþjóðlega sakamáladómstólnum. Þeirra á meðal eru Omar al-Bashir, fyrrverandi forseti Súdan, Moammar Gadhafi, fyrrverandi leiðtogi Líbíu, Joseph Kony, alræmdur stríðsherra frá Úganda, og Vladimír Pútín, forseti Rússlands. Sjá einnig: Gefa út handtökuskipun á hendur Pútín Eins og í tilfelli Pútíns, þykir ólíklegt að Netanjahú og Gallant muni nokkurn tímann standa frammi fyrir dómurum ICC. Handtökuskipanirnar gætu takmarkað ferðalög þeirra um heiminn en án stuðnings Bandaríkjanna er einnig ólíklegt að þær muni hafa mikil áhrif á hernað Ísraela á Gasaströndinni. Í frétt AP segr að heilt yfir hafi ICC gefið út handtökuskipanir á hendur sextíu manns. Af þeim hefur 21 verið færður fyrir dómara. Ellefu hafa verið sakfelldir og fjórir sýknaðir. Þrjátíu eru enn taldir ganga lausir.
Ísrael Átök í Ísrael og Palestínu Bandaríkin Joe Biden Donald Trump Mest lesið Tugir drengja fastir í rústum skóla sem hrundi til grunna Erlent Leiðtogar fagna áætluninni en bíða svara frá Hamas Erlent Hópslagsmál og hundaárás Innlent Sundlaugar borgarinnar verði bættar fyrir ungbarnafjölskyldur Innlent Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Hættir sem þingflokksformaður Innlent Misstu allt samband við Internetið Erlent Tilkynnt um dróna yfir Keflavíkurflugvelli Innlent Föst í Portúgal: „Siðlaust“ að fljúga vélunum út í morgun Innlent Fleiri fréttir „Við erum ekki í stríði en við búum ekki við frið,“ Um þúsund manns teknir af lífi í Íran það sem af er ári Tugir drengja fastir í rústum skóla sem hrundi til grunna Leiðtogar fagna áætluninni en bíða svara frá Hamas Misstu allt samband við Internetið Erlendir miðlar fjalla um gjaldþrot Play Ísraelar samþykkja friðaráætlun Trumps Mafíósar dæmdir til dauða Öruggur um að brátt ríki friður á Gasa Freista þess að koma aðildarumsókn Úkraínu fram hjá Orbán Adams hættir og Cuomo og Mamdani skiptast á skotum Fyrrverandi landgönguliði drap að minnsta kosti fjóra í Michigan Evrópusinnar héldu meirihluta í Moldóvu Orrustuþotur yfir Borgundarhólmi og drónar trufla flug í Noregi Fjöldi fórnarlamba eftir skothríð og íkveikju í kirkju mormóna Æðsti leiðtogi mormóna látinn Banna dróna yfir Danmörku Óttast úrbræðslu vegna rafmagnsleysis í kjarnorkuveri Sjálft lýðræðið undir er Moldóvar ganga til kosninga Vill fá Trump til að gefa Taívan upp á bátinn Segist hafa hafnað boði til einkaeyju Epsteins Árásir stóðu yfir í rúma tólf tíma Dróna- og skuggastríð í Evrópu: Hvað gengur Rússum til og hvað getur NATO gert? Sigar hernum á „hryðjuverkamenn“ í Portland Ráku starfsmenn FBI sem fóru á hnéð eftir morðið á Floyd Fundu leynilega sígarettuverksmiðju í neðanjarðarbyrgi Drónar sáust á flugi yfir herflugvelli í Danmörku og Noregi Ræningjar fjölmenntu með byssur og haka í skartgripabúð Musk, Thiel og Andrés nefndir í nýjum skjölum Epsteins Ætlar að peppa herforingjana á fundinum fordæmalausa Sjá meira