„Þetta var það erfitt, að við vorum öll dofin“

Svandís býr í fallegu heimili í Vesturbæ Reykjavíkur en hún er alinn upp þar. Hún lærði málvísindi og íslensku í Háskóla Íslands og svo féll hún fyrir táknmáli.

„Ég vann sem táknmálsfræðingur í 12 ár,“ segir Svandís sem elskar öll tungumál.

En framundan eru kosningar en hver er draumaríkisstjórn?

„Klassíska svarið er að vinna með flokkum sem standa okkur næst.“

Hún viðurkennir þó að hún myndi vilja ákveðin stól.

„Næsta skref hjá mér eru menntamál. Ég brenn fyrir öll menntamál.“

En hvernig er það fyrir manninn hennar Torfa að horfa á og lesa gagnrýni sem hún verður fyrir.

„Hann verður reiður, og þetta á líka við um krakkana. Þetta er erfiðara fyrir þau en ég sjálf hef orðið sjófaðri í þessu.“

Spilar og píanó og syngur

Svandís settist við píanóið og spilaði fallegt lag fyrir Sindra en hún syngur einnig eins og engill. Dóttir hennar Una Torfadóttir á því ekki langt að sækja hæfileikana. En Una greindist á sínum tíma með krabbamein, tími sem Svandís segir að hafi verið ótrúlega erfiður.

„Þetta var það erfitt, að við vorum öll dofin. Þetta er tími og reynsla að maður opnar augun á morgnanna og trúir varla að maður komist í gegnum daginn. Þetta er svo yfirþyrmandi. Una var gæfusöm, fór í aðgerð og uppskurð og mjög harða geislameðferð og svo lyfjameðferð og er núna undir eftirliti.“

Hér að neðan má sjá innslagið í heild sinni.