McLaren langt komið með að tryggja sér heims­meistara­titil bílasmiða

McLaren er með 21 stiga forskot á Ferrari, sem á litla von á titlinum vegna þess að Charles Leclerc verður síðastur af stað. Carlos Sainz gerði mun betur og verður þriðji af stað, en Ferrari þarf á kraftaverki að halda til að toppa McLaren.

Max Verstappen virðist fullsaddur eftir að hafa fagnað fjórða heimsmeistaratitlinum í röð á dögunum. Tímatakan hjá Verstappen byrjaði vel en hann fór hægar yfir á síðustu hringjunum og hafnaði í fimmta sæti.

Hann verður þó fjórði á ráspól, þar sem Nico Hulkenberg hjá Haas var refsað niður um þrjú sæti og tekur sjöunda sætið á ráspól.

• 1) Lando Norris, McLaren
• 2) Oscar Piastri, McLaren
• 3) Carlos Sainz, Ferrari
• 4) Nico Hulkenberg, Haas
• 5) Max Verstappen, Red Bull
• 6) Pierre Gasly, Alpine
• 7) George Russell, Mercedes
• 8) Fernando Alonso, Aston Martin
• 9) Valtteri Bottas, Sauber
• 10) Sergio Perez, Red Bull

Hér fyrir ofan má sjá hvernig niðurröðun var eftir tímatökunni. Nico Hulkenberg verður í sjöunda sæti og aðrir færast ofar af ofangreindum ástæðum. 

Lokakappakstur tímabilsins í Abú Dabí hefst klukkan 12:30 á morgun, sunnudag, og verður í beinni útsendingu á Vodafone Sport.