Innlent

Fimm tóku fyrstu skóflu­stunguna að Borgarlínu

Árni Sæberg skrifar
Bergþóra, Davíð, Eyjólfur, Einar og Ásdís tilbúin að taka skóflustunguna.
Bergþóra, Davíð, Eyjólfur, Einar og Ásdís tilbúin að taka skóflustunguna. Vísir/Bjarki

Samgönguráðherra tekur fyrstu skóflustunguna að Fossvogsbrú klukkan 12:30. Brúin er fyrsta stóra framkvæmdin í borgarlínuverkefninu, sem hefur verið á teikniborðinu í áratug. Af því tilefni hefur verið boðað til viðburðar og sýnt verður frá honum hér á Vísi.

Framkvæmdir við landfyllingar og sjóvarnir tengdum byggingu Fossvogsbrúar hefjast af fullum krafti á Kársnesi í Kópavogi í dag. Verksamningur milli Vegagerðarinnar og verkakafyrirtækisins Gröfu og grjóts var undirritaður í síðustu viku í kjölfar útboðs í nóvember 2024.

Fossvogsbrúin er hluti af samgöngusáttmálanum og er fyrsta stóra framkvæmdin í Borgarlínuverkefninu. Brúin tengir saman vesturhluta Kópavogs og Reykjavík með afgerandi hætti. Áætluð verklok eru 1. nóvember 2026 fyrir þennan hluta verksins en gert er ráð fyrir að Fossvogsbrú verði tilbúin um mitt ár 2028.

Hér má sjá tölvugerða mynd af Fossvogsbrúnni.Betri samgöngur

Nýr samgönguráðherra, Eyjólfur Ármannsson, tekur fyrstu skóflustunguna klukkan 12:30, ásamt Einari Þorsteinssyni borgarstjóra Reykjavíkur, Ásdísi Kristjánsdóttur bæjarstjóra Kópavogs, Bergþóru Þorkelsdóttur forstjóra Vegagerðarinnar og Davíð Þorlákssyni framkvæmdastjóra Betri samgangna.

Uppfært: Upptöku frá viðburðinum má sjá í spilaranum hér að neðan:

Borgarlína Samgöngur Flokkur fólksins Ríkisstjórn Kristrúnar Frostadóttur

Mest lesið


Fleiri fréttir

Sjá meira


×

Mest lesið