„Þurfum að halda okkur á jörðinni“

„Ég veit það nú ekki, spurði hvort ég vildi taka þetta á dönsku og ég sagði að við gætum prófað það. Er búinn að halda þessu við síðustu ár,“ sagði ánægður Viggó aðspurður út í viðtalið sem hann var í áður en það fór fram á dönsku.

„Það fór svara orka í þennan leik eins og á móti Slóveníu. Rosalega glaður að hafa unnið en að sama skapi þurfum við að halda okkur á jörðinni og byrja undirbúning strax á morgun fyrir Króatíu. Ef við gerum það ekki er ekki von á góðu.“

Ísland náði snemma ágætis forystu og hún var nokkurn veginn sú sama allan leikinn. Hvernig leið Viggó í leiknum?

„Fannst ekki allt ganga upp. Sérstaklega í fyrri hálfleik í sókninni. Sérstaklega til að byrja með, þá var mikið hökt. Vorum að tapa boltum en baráttuviljinn í vörninni, þessi orka og Viktor Gísli (Hallgrímsson, markvörður) góður fyrir aftan. Það er svona það sem skóp þennan sigur að mínu mati.

„Heilt yfir góð frammistaða þó það hafi ekki allt gengið upp en ætla ekki að kvarta.“

Sóknarleikur Íslands lifnaði við í síðari hálfleik

„Ég hefði samt átt að skora úr þessu síðasta víti. Hann beið eftir þessu, kom mér smá á óvart,“ sagði Viggó sem fór samt sem áður mikinn í sókn Íslands.

Viggó var spurður út í fjölda Íslendinga á leiknum en stúkan var blá í kvöld.

„Það var hrikalega skemmtilegt. Held að fólk geri sér ekki grein yfir hversu mikið þetta gefur okkur, gerir þetta svo miklu skemmtilegra. Að hafa svona marga Íslendinga upp í stúku er ómetanlegt. Gerum okkur grein fyrir því að það er ekki sjálfsagt að stuðningsmenn fari hálfan hnöttinn til að horfa á okkur og reynum að gefa til baka með góðri frammistöðu.“

„Það er auðvitað alltaf markmiðið (að vinna alla leiki) en tökum bara einn leik í einu, eins og við höfum gert hingað til. Eins og ég segi, ítreka að það er lykilatriði að menn hugsi vel um sig og mæti klárir gegn Króatíu,“ sagði Viggó að endingu.