Innlent

Sjálf­stæðisflokkur bætir mest við sig í nýrri könnun

Atli Ísleifsson skrifar
Bjarni Benediktsson er formaður Sjálfstæðisflokksins en mun láta af embættinu á landsfundi sem fram fer í lok næsta mánaðar.
Bjarni Benediktsson er formaður Sjálfstæðisflokksins en mun láta af embættinu á landsfundi sem fram fer í lok næsta mánaðar. Vísir/Vilhelm

Sjálfstæðisflokkurinn bætir mest við sig í nýrri könnun Maskínu, eða þremur prósentustigum, og mælist nú með rúmlega nítján prósent fylgi.

Miðflokkurinn er einnig á uppleið, bætir við sig tæpum þremur stigum og er með um tólf prósent. Þá er Flokkur fólksins sömuleiðis á uppleið og stendur nú í þrettán prósentum.

Samkvæmt könnuninni dala aðrir flokkar mismikið.

Samfylkingin er enn stærsti flokkurinn er fylgið lækkar um prósentustig og mælist nú 22 prósent. Viðreisn tapar um þremur prósentustigum og er með fjórtán prósent. Framsókn fer niður í sjö prósent og Píratar, VG og Sósíalistar mælast með þrjú til fjögur prósent.

Könnunin var lögð fyrir Þjóðgátt Maskínu, hóp fólks sem dreginn er með tilviljun úr Þjóðskrá, á netinu. Könnunin fór fram dagana 9. til 14. janúar 2025 og voru 966 svarendur sem tóku afstöðu til flokks.

Skoðanakannanir Alþingi Sjálfstæðisflokkurinn Samfylkingin Framsóknarflokkurinn Miðflokkurinn Píratar Vinstri græn Sósíalistaflokkurinn Viðreisn Flokkur fólksins

Mest lesið


Fleiri fréttir

Sjá meira


×

Mest lesið