Hlátra­sköll og bongó­trommur á for­sýningu Alheimsdraumsins

Í þáttunum fá áhorfendur að fylgjast með þeim Audda, Steinda, Sveppa og Pétri Jóhanni sem skipa tvö lið þeysast um heiminn og leysa ævintýralega skemmtilegar þrautir.

„Besta leiðin til að lýsa Draumnum er þannig að þetta er jafn gaman og þetta er erfitt,“ sagði Auðunn Blöndal í samtali við Vísi á dögunum. Hann sagði óhætt að fullyrða að nýjasta serían væri sú klikkaðasta hingað til en fimm ár eru síðan strákarnir héldu síðast utan í Suður-Ameríska Draumnum. Meðal landa sem strákarnir ferðast til að þessu sinni eru Nýja-Sjáland, Filippseyjar og Ástralía.

Áður hafa verið framleiddar þáttaraðirnar Ameríski Draumurinn, Evrópski Draumurinn, Asíski Draumurinn og Suður Ameríski Draumurinn en í þessari nýjustu þáttaröð er allur heimurinn undir.

Áskrifendur Stöðvar 2 megi eiga von á góðu annað kvöld þegar fyrsti þátturinn fer í loftið.

Hér að neðan má sjá stiklu úr þáttunum:

Fjölmennt var sýningunni og meðal gesta voru Erpur Eyvindarson, Væb-bræðurnir Matthías Davíð og Hálfdán Helgi, Eva Ruza, Simmi Vill, Binni Glee, Mari Jaersk, útvarpsmennirnir Egill Ploder og Rikki G, og Birgitta Líf Björnsdóttir.

Hulda Margrét ljósmyndari mætti á svæðið og myndaði gleðskapinn.