Sögðu 23 starfsmönnum sláturhússins upp Lovísa Arnardóttir og Hallgerður Kolbrún E. Jónsdóttir skrifa 3. mars 2025 15:20 Ágúst Torfi segir Kjarnafæði Norðlenska gera það sem þau geta til að milda áhrifin hjá þeim sem var sagt upp á föstudag. Samsett Tuttugu og þremur af tuttugu og átta starfsmönnum sláturhúss SAH afurða á Blönduósi sagt upp á föstudag. Ágúst Torfi Hauksson, framkvæmdastjóri Kjarnafæðis Norðlenska, segir uppsagnirnar hluta af hagræðingaraðgerðum Norðlenska Kjarnafæðis. Sveitarstjóri segir uppsagnirnar mikið högg fyrir allt samfélagið. „Við erum að starfa í gríðarlega þröngu rekstrarumhverfi og við töpuðum peningum í fyrra og framleiðsla er á leið niður hjá bænum og það stýrir auðvitað álagi á sláturhús. Okkur er nauðugur einn kostur. Við verðum að hagræða,“ segir Ágúst Torfi. Fyrst var greint frá uppsögnunum á vef RÚV. Í tilkynningu á vef SAH afurða á föstudag kom fram að tekin hefði verið ákvörðun um að sauðfé yrði ekki slátrað á Blönduósi haustið 2025. „Ákvörðunin tengist nauðsynlegri hagræðingu í rekstri Kjarnafæðis Norðlenska. Rekstur félagsins var þungur árið 2024 m.a. vegna mikilla kostnaðarhækkana og rík þörf á hagræðingu ef hægt á að vera að halda áfram á þeirri vegferð að bjóða neytendum vörur á samkeppnishæfu verði á sama tíma og verð til bænda þróist með ásættanlegum hætti. Áætlað er að færa þá starfsemi sem hefur verið utan sláturtíðar í starfsstöðinni á Blönduósi til annarra starfsstöðva fyrirtækisins í áföngum,“ segir í tilkynningunni. Erlend samkeppni að harðna Ágúst Torfi segir samkeppni við útlönd alltaf að harðna og aukast. Tollaverndin rýrni á sama tíma og framleiðendur minna varin fyrir innflutningi. „Eina leiðin fyrir okkur að keppa við það er að lækka framleiðslukostnað innanlands eins og okkur er frekast unnt og það verður ekki gert án þess að hagræða.“ Hann segir töluverð umsvif þó hafa verið í sláturhúsinu og það taki lengri tíma en nemur uppsagnarfresti að vinda ofan af starfseminni. Því hafi ekki öllum starfsmönnum verið sagt upp. Ágúst Torfi tilkynnti fólki sjálfur um uppsagnirnar síðasta föstudag. „Þetta eru erfiðar fréttir fyrir fólk að fá og við gerum það sem í okkar valdi stendur til að milda áhrifin eins og okkur er unnt og aðstoða fólk í atvinnuleit. Ef einhver vill færa sig á aðrar starfsstöðvar félagsins þá er það eitthvað sem við erum mjög opin fyrir, þó að við hvetjum fólk ekki endilega til að flytja frá staðnum. Ef það kýs það sjálft getum við aðstoðað við það. Við reynum að gera þetta eins vel og hægt er.“ Hann á von á því að uppsagnirnar séu stærsta hagræðingaraðgerðin sem Kjarnafæði Norðlenska ræðst í á þessu ári. Högg fyrir samfélagið Pétur Arason, sveitarstjóri Húnabyggðar, segir þetta erfitt fyrir lítið samfélag. Fjöldinn sé þannig að ef slík uppsögn myndi eiga sér stað í Reykjavík væri líklega um þrjú þúsund manns að ræða. „Þetta er mikið högg fyrir samfélagið. Þetta er einn af stærstu vinnustöðunum hjá okkur,“ segir Pétur. Pétur Arason, sveitarstjóri Húnabyggðar, segir uppsagnirnar mikið högg fyrir lítið samfélag. Vísir/Vilhelm Hugur þeirra sé hjá starfsfólki sem missti vinnuna en sveitarfélagið hafi ekki neina beina aðkomu að þessu. Þau skoði stöðuna og meti hvernig þau geti mögulega hlutast til um það að snúa vörn í sókn. Hann segir jákvætt við þetta svæði að atvinnulaust er nánast ekki neitt og það eigi að vera hægt að finna störf en kannski ekki fyrir svona margt fólk á einu bretti. „Það verður áskorun að vinna úr því að búa til atvinnutækifæri fyrir þetta fólk,“ segir Pétur en það sé verkefni sem þau séu tilbúin í. Húnabyggð Landbúnaður Samkeppnismál Vinnumarkaður Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Mafíósar dæmdir til dauða Erlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira
„Við erum að starfa í gríðarlega þröngu rekstrarumhverfi og við töpuðum peningum í fyrra og framleiðsla er á leið niður hjá bænum og það stýrir auðvitað álagi á sláturhús. Okkur er nauðugur einn kostur. Við verðum að hagræða,“ segir Ágúst Torfi. Fyrst var greint frá uppsögnunum á vef RÚV. Í tilkynningu á vef SAH afurða á föstudag kom fram að tekin hefði verið ákvörðun um að sauðfé yrði ekki slátrað á Blönduósi haustið 2025. „Ákvörðunin tengist nauðsynlegri hagræðingu í rekstri Kjarnafæðis Norðlenska. Rekstur félagsins var þungur árið 2024 m.a. vegna mikilla kostnaðarhækkana og rík þörf á hagræðingu ef hægt á að vera að halda áfram á þeirri vegferð að bjóða neytendum vörur á samkeppnishæfu verði á sama tíma og verð til bænda þróist með ásættanlegum hætti. Áætlað er að færa þá starfsemi sem hefur verið utan sláturtíðar í starfsstöðinni á Blönduósi til annarra starfsstöðva fyrirtækisins í áföngum,“ segir í tilkynningunni. Erlend samkeppni að harðna Ágúst Torfi segir samkeppni við útlönd alltaf að harðna og aukast. Tollaverndin rýrni á sama tíma og framleiðendur minna varin fyrir innflutningi. „Eina leiðin fyrir okkur að keppa við það er að lækka framleiðslukostnað innanlands eins og okkur er frekast unnt og það verður ekki gert án þess að hagræða.“ Hann segir töluverð umsvif þó hafa verið í sláturhúsinu og það taki lengri tíma en nemur uppsagnarfresti að vinda ofan af starfseminni. Því hafi ekki öllum starfsmönnum verið sagt upp. Ágúst Torfi tilkynnti fólki sjálfur um uppsagnirnar síðasta föstudag. „Þetta eru erfiðar fréttir fyrir fólk að fá og við gerum það sem í okkar valdi stendur til að milda áhrifin eins og okkur er unnt og aðstoða fólk í atvinnuleit. Ef einhver vill færa sig á aðrar starfsstöðvar félagsins þá er það eitthvað sem við erum mjög opin fyrir, þó að við hvetjum fólk ekki endilega til að flytja frá staðnum. Ef það kýs það sjálft getum við aðstoðað við það. Við reynum að gera þetta eins vel og hægt er.“ Hann á von á því að uppsagnirnar séu stærsta hagræðingaraðgerðin sem Kjarnafæði Norðlenska ræðst í á þessu ári. Högg fyrir samfélagið Pétur Arason, sveitarstjóri Húnabyggðar, segir þetta erfitt fyrir lítið samfélag. Fjöldinn sé þannig að ef slík uppsögn myndi eiga sér stað í Reykjavík væri líklega um þrjú þúsund manns að ræða. „Þetta er mikið högg fyrir samfélagið. Þetta er einn af stærstu vinnustöðunum hjá okkur,“ segir Pétur. Pétur Arason, sveitarstjóri Húnabyggðar, segir uppsagnirnar mikið högg fyrir lítið samfélag. Vísir/Vilhelm Hugur þeirra sé hjá starfsfólki sem missti vinnuna en sveitarfélagið hafi ekki neina beina aðkomu að þessu. Þau skoði stöðuna og meti hvernig þau geti mögulega hlutast til um það að snúa vörn í sókn. Hann segir jákvætt við þetta svæði að atvinnulaust er nánast ekki neitt og það eigi að vera hægt að finna störf en kannski ekki fyrir svona margt fólk á einu bretti. „Það verður áskorun að vinna úr því að búa til atvinnutækifæri fyrir þetta fólk,“ segir Pétur en það sé verkefni sem þau séu tilbúin í.
Húnabyggð Landbúnaður Samkeppnismál Vinnumarkaður Mest lesið Vonsviknir ferðamenn og reiði út í Icelandair vegna hækkunar fargjalda Innlent Arnarflug lifað lengst í samkeppni við Icelandair Innlent Misstu allt samband við Internetið Erlent Ísraelar samþykkja friðaráætlun Trumps Erlent Tilkynnt um dróna yfir Keflavíkurflugvelli Innlent Erlendir miðlar fjalla um gjaldþrot Play Erlent Föst í Portúgal: „Siðlaust“ að fljúga vélunum út í morgun Innlent Þriggja ára fangelsi: Tók ekki mark á lygilegri frásögn Innlent Lítur svo á að hann njóti ekki trausts og hefur beðist lausnar Innlent Mafíósar dæmdir til dauða Erlent Fleiri fréttir Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign 29 prósent heimila skipuð einstæðingum: „Meðvituð ákvörðun til að njóta frelsis“ Aldrei neinn afsláttur gefinn í flugprófunum Allt niður í þriggja mánaða fiðluleikara „Virðist bitna á saklausum ferðamönnum“ „Ákveðinn miski“ að geta ekki treyst vatninu Flúði próflaus undan lögreglu með einum of marga farþega þegar bíllinn valt Umfangsmiklar árásir og símengað neysluvatn Báturinn áður sokkið í sömu höfn og án skýringar Drukkinn ökumaður keyrði á þrjá bíla og reyndi að stinga af Um 200 nemendur eru í lögreglunámi á Akureyri Skora á Snorra að gefa kost á sér Bíll valt eftir flótta undan lögreglu og þrír slösuðust Reiknað með afskiptum af öllum samkomum Vítisengla Sjá meira