Þjálfari Sveindísar segir starfi sínu lausu

Wolfsburg situr í þriðja sæti þýsku úrvalsdeildarinnar, sex stigum frá toppnum þegar fjórar umferðir eru eftir. Í síðustu viku féll liðið úr leik í átta liða úrslitum Meistaradeildarinnar eftir slæmt 10-2 samanlagt tap í einvíginu gegn Barcelona.

Sveindís Jane kom inn af bekknum í báðum leikjunum, líkt og hún hefur gert oft áður á tímabilinu. Hún hefur verið ósátt með spiltíma sinn á tímabilinu og sagði fyrir rúmum mánuði í samtali við RÚV að hún myndi skoða sig um þegar samningurinn rennur út í sumar, en það gæti auðvitað breyst nú þegar þjálfarinn er farinn. 

Í yfirlýsingu Wolfsburg segir að Tommy, sem hefur stýrt Wolfsburg frá því 2021, hafi tekið ákvörðunina sjálfur og eftirmaður hans verði kynntur von bráðar.