Alls ekki öll von úti fyrir Væb-bræður

Á vefsíðunni Eurovisionworld er það tekið saman hversu miklar líkur veðbankarnir telja á að þjóðir vinni Eurovision í Basel í Sviss í ár. Svíar eru sigurstranglegastir með 27 prósent, svo Austurríkismenn með tuttugu prósent og Frakkar með tíu prósent. Átta ríki eru með á bilinu tvö til sex prósent en hin 26 ríkin eru með eitt prósent eða minna, þar á meðal Ísland. Í raun er Ísland í næstneðsta sæti, einungis Svartfjallaland er talið eiga minni líkur á að vinna keppnina. 

Staðan breytist þó þegar litið er á spár veðbanka fyrir fyrri undanúrslitin, þar sem Væb-bræðurnir, stíga fyrstir á svið þann 13. maí næstkomandi. Þar er Íslandi spáð þrettánda sæti af fimmtán en tíu ríki komast áfram. Veðbankar segja 34 prósent líkur á að Íslandi komi áfram. 

Í síðustu tíu undanúrslitum hafa veðbankarnir einungis einu sinni náð að spá rétt fyrir um öll ríkin sem komust áfram í úrslitin. Í hinum níu undanúrslitunum komust eitt til þrjú ríki áfram sem var spáð að myndu sitja eftir.