Fótbolti

Skjöldur á loft í Bæjara­landi

Runólfur Trausti Þórhallsson skrifar
Harry Kane og skjöldurinn góði.
Harry Kane og skjöldurinn góði. Sven Hoppe/Getty Images

Bayern München er Þýskalandsmeistari karla í knattspyrnu. Það var vitað fyrir leik dagsins en eftir 2-0 sigur Bæjara á Gladbach fór Þýskalandsskjöldurinn á loft.

Enski framherjinn Harry Kane, sem var að vinna sinn fyrsta titil á ferlinum, kom Bayern yfir eftir hálftímaleik. Michael Olise, sem lagði upp markið hans Kane, tvöfaldaði forystuna á síðustu mínútu venjulegs leiktíma og þar við sat.

Bayern er með 79 stig að loknum 33 leikjum. Liðið mætir Hoffenheim í lokaumferðinni og getur því mest endað með 82 stig. Þá þarf liðið fimm mörk gegn Hoffenheim til að brjóta 100 marka múrinn.

Fótbolti Þýski boltinn

Mest lesið


Fleiri fréttir

Sjá meira


×

Mest lesið