Keppandi á Steraleikunum bætti sex­tán ára gamalt heims­met

The Enhanced Games, eða Steraleikarnir, hafa verið gagnrýndir undanfarið, en stefnt er á að halda þá í fyrsta skipti í Las Vegas á næsta ári. Þar verða engin lyfjapróf og íþróttafólkið kemst því upp með að neyta ólöglegra lyfja til að auka afreksgetu sína.

Skipuleggjendur leikanna segja að gríski sundkappinn Kristian Gkolomeev hafi synt fimmtíu metra skriðsund á tímanum 20,89 sekúndum í lokuðum æfingabúðum í febrúar.

Gkolomeev synti vegalengdina því 0,02 sekúndum hraðar en Brasilíumaðurinn Cesar Cielo gerði þegar hann setti heimsmet í greininni árið 2009.

Grikkin keppti í greininni á Ólympíuleikunum á síðasta ári og synti þá á tímanum 21, 59 sekúndur, en hann hóf að neita ólöglegra frammistöðubætandi efna eftir að hafa skrifað undir samning við Steraleikana í janúar á þessu ári.