Innlent

Sérsveitin kölluð út vegna vopnaðs manns

Rafn Ágúst Ragnarsson og Agnar Már Másson skrifa
Þrír lögreglubílar eru á svæðinu ásamt sérsveitarmönnum.
Þrír lögreglubílar eru á svæðinu ásamt sérsveitarmönnum. Aðsend

Sérsveit ríkislögreglustjóra var kölluð út til aðstoðar lögreglunni á höfuðborgarsvæðinu við útkall á Frakkastíg við Hverfisgötu. Tilkynnt var um mann vopnaðan hníf. Hann hafði ekki uppi ógnandi framferði og engan sakaði.

Ásmundur Rúnar Gylfason staðfestir þetta í samtali við fréttastofu og segir að maðurinn hafi ekki ógnað neinum með hnífnum.

Helena Rós Sturludóttir upplýsingafulltrúi ríkislögreglustjóra staðfestir að aðstoðar sérsveitarinnar hafi verið óskað.

Samkvæmt heimildum fréttastofu leikur grunur á að einstaklingurinn eigi við geðræn veikindi að stríða og voru viðeigandi ráðstafanir gerðar í samvinnu við heilbrigðisstarfsfólk. Maðurinn var handtekinn á vettvangi.

Lögreglumál Reykjavík

Mest lesið


Fleiri fréttir

Sjá meira


×

Mest lesið