Fótbolti

Raphinha valinn bestur en Lamine Yamal besti ungi

Óskar Ófeigur Jónsson skrifar
Lamine Yamal og Raphinha fagna saman marki með Barcelona á tímabilinu.
Lamine Yamal og Raphinha fagna saman marki með Barcelona á tímabilinu. Getty/Pedro Salado

Raphinha, vængmaður Barcelona, var í dag valinn besti leikmaður spænsku deildarinnar á nýloknu tímabili en Brasilíumaðurinn var lykilmaður í góðu gengi Katalóníuliðsins á leiktíðinni.

Lamine Yamal, liðsfélagi Raphinha hjá Barcelona, var um leið valinn besti ungi leikmaður deildarinnar, það er bestur meðal leikmanna 23 ára og yngri. Reuters segir frá.

Raphinha var með 34 mörk og 25 stoðsendingar í 57 leikjum í öllum keppnum á tímabilinu. Barcelona varð spænskur meistari, spænskur bikarmeistari og vann líka spænska ofurbikarinn. Liðið féll út í undanúrslitum Meistaradeildarinnar.

Raphinha er nú 28 ára gamall en hann kom til Barcelona frá Leeds United árið 2022. Raphinha er nýbúinn að framlengja samning sinn við Bracelona til ársins 2028.

Raphinha varð markakóngur Meistaradeildarinnar en hann skoraði þrettán mörk í fjórtán leikjum.

Yamal skoraði níu deildarmörk en lagði líka upp þrettán mörk að auki. Raphinha var með átján mörk og níu stoðsendingar í deildinni.

Spænski boltinn

Mest lesið


Fleiri fréttir

Sjá meira


×

Mest lesið