Tuttugu börn drepin í á­rás á í­búða­blokk í Tehran

CNN hefur þetta eftir íranska ríkismiðlinum. Í sjónvarpsútsendingu miðilsins sjást björgunarsveitarmenn að leita undir rústum við bygginguna, sem er staðsett í íbúðahverfi í höfuðborginni. 

Fréttamaður á svæðinu segir frá því að tuttugu börn séu meðal látinna, þar af ungbörn niður í sex mánaða. Björgunarmenn leita enn tíu manns undir rústunum. 

Amir Saeid sendifulltrúi Sameinuðu þjóðanna í Íran sagði fyrr í dag að minnst 78 hefðu látist í árásunum. Í frétt CNN segir að ekki liggi fyrir hvort sú tala látinna geri ráð fyrir þeim sem létust í árásinni á blokkina.