Á­rásir halda á­fram meðan fundað er í Genf

Eins og greint var frá í dag hyggst Donald Trump Bandaríkjaforseti bíða í tvær vikur þar til hann ákveður hvort Bandaríkjaher geri árásir á Íran eða ekki. 

Samkvæmt heimildum CNN ræddu ráðherrarnir í níutíu mínútur áður en þeir tóku sér hlé en ekki liggur fyrir hvað fór fram á fundinum. 

Miðillinn hefur eftir ísraelskum embættismanni að yfirvöld þar í landi geri ráð fyrir að evrópsku ráðherrarnir stilli Írönum upp við vegg og krefjist þess að Íranir láti af kjarnorkuáætlun þeirra sem og árásum á Ísrael.

Utanríkisráðuneyti Bretlands tilkynnti fyrr í dag að allt starfsfólk sendiráðs Bretlands í Íran yrði sent heim tímabundið meðan á átökunum stendur. 

Sem fyrr segir hafa loftárásir Írana valdið mannfalli í Ísrael í dag en takmarkaðar upplýsingar er að fá um árásir Ísraela á Íran. Vika er síðan Ísraelsher hóf að gera loftárásir a Írana og hefndarárásir á hefndarárásir ofan hafa verið gerðar í kjölfarið. Nærri helming þess tíma hefur verið rafmagnslaust í Íran, að því er kemur fram í frétt AP.

Þá liggur ekki fyrir hve marga Írani Ísraelsher hefur drepið í árásum sínum en forsvarsmenn hjálparsamtaka reiknar með að nokkur hundruð manns liggi í valnum eftir árásir Írana undanfarna viku.