Tíu leik­menn Real Madrid lönduðu fyrsta sigri Xabi Alonso

Real Madrid gerði jafntefli i fyrsta leik sínum á mótinu en vann 3-1 sigur á Pachuca frá Mexíkó í kvöld.

Spænska stórliðið lenti manni undir eftir aðeins sjö mínútna leik þegar Raul Asencio fékk rautt spjald fyrir mótmæli. Real Madrid spilaði því manni færri í 83 mínútu en vann samt öruggan sigur.

Eftir sigurinn þá er Real Madrid (4 stig) á toppi riðilsins en bæði RB Salzburg (3 stig) og Al Hilal (1 stig) eiga leik inni.

Jude Bellingham kom Real samt sem áður í 1-0 á 35. mínútu eftir sendingu frá Francisco Garcia og Tyrkinn bætti við öðru marki á 43. mínútu eftir sendingu frá Gonzalo Garcia

Staðan var orðin 3-0 á 70. mínútu þegar Federico Valverde skoraði laglegt mark eftir sendingu frá Brahim Diaz. Elias Montiel minnkaði munninn í 3-1 á 80. mínútu.

Juventus vann 4-1 sigur á Wydad Casablanca fyrr í dag. Ítalska liðið hefur þar með unnið tvo fyrstu leiki sína í riðlinum með markatölunni 9-1. Manchester City vann 2-0 sigur á Wydad í fyrstu umferðinni.

Fyrsta markið var sjálfsmark Abdelmounaim Boutouil á sjöttu mínútu en Kenan Yildiz kom Juventus í 2-0 á 16. mínútu. Thembinkosi Lorch minnkaði muninn í 2-1 á 25. mínútu.

Juventus skoraði tvö mörk í seinni hálfleiknum, Kenan Yildiz bætti við sínu öðru marki á 69. mínútu og Dusan Vlahovic skoraði síðasta mark leiksins úr vítaspyrnu í uppbótatíma.

Yildiz er kominn með þrjú mörk í keppninni og er einn af markahæstu leikmönnum mótsins.