Veik stofnun skaði fjárhag ríkissjóðs

Berghildur Erla Bernharðsdóttir skrifar 25. júní 2025 23:01

Guðmundur Björgvin Helgason ríkisendurskoðandi. Vísir/Sigurjón

Stórbæta þarf samningsgerð og eftirlit Sjúkratrygginga vegna kaupa á heilbrigðisþjónustu samkvæmt nýrri úttekt Ríkisendurskoðunar. Bent er á að kostnaður stofnunarinnar jókst um ríflega þriðjung milli ára eftir nýjan samning við sérgreinalækna. Ríkisendurskoðandi segir þetta hafa neikvæð áhrif á fjárhag ríkissjóðs og samfélagið í heild.

Þegar þáverandi forstjóri Sjúkratrygginga sagði upp störfum sínum árið 2022, gaf hún þá ástæðu að hún gæti ekki borið ábyrgð á rekstrinum því stofnunin væri svo vanfjármögnuð.

Veik stofnun skaði fjárhag ríkissjóðs

Í dag kom svo út ný 78 blaðsíðna úttekt ríkisendurskoðunar þar sem þetta er staðfest. Ábendingar til Sjúkratrygginga eru í sex liðum þar sem kemur fram að styrkja þurfi samninga og vanda þá betur og greina, skýra þurfi innkaupaferla, efla eftirlit með kostnaði við samninga og samningsaðilum og styrkja allt eftirlit.

Heilbrigðisráðuneytið fær líka sinn skerf í fjórum liðum sem snúast fyrst og fremst um að það þurfi að styrkja Sjúkratryggingar verulega.

„Stofnunin hefur ekki burði til að þarfa- og kostnaðargreina eða hafa eftirlit með þeim samningum sem hún gerir og það hefur verulega áhrif á starfsemi hennar, fjárhag ríkissjóð og hvernig við upplifum okkur sem samfélag,“ segir Guðmundur Björgvin Helgason ríkisendurskoðandi.

Lélegir samningar

Í úttektinni kemur fram að þetta hafi valdið því að ekki hafi náðst nægjanlega hagkvæmir samningar við einkarekna heilbrigðisþjónustu. Bent er á að viðsemjendur á einkamarkaði hafi yfirburðastöðu í samningum við Sjúkratryggingar.

Willum Þór Þórsson þáverandi heilbrigðisráðherra fagnaði samningi við sérgreinalækna fyrir tveimur árum og sagði samninginn þá marka tímamót.

Í úttektinni kemur hins vegar fram að vísbendingar séu um að þessi samningur sé afkastahvetjandi án þess að kostnaðaraðhald sé tryggt. Eftir samninginn hafi heildarkostnaður Sjúkratrygginga vegna þjónustu sérgreinalækna hækkaði um tæplega 36 prósent milli ára.

„Það segir sig sjálft að ef Sjúkratryggingar hafa ekki burði til að þarfa- eða kostnaðargreina þá sannarlega er vandinn um mögulegar oflækningar til staðar,“ segir Guðmundur sem kynnti úttektina fyrir stjórnskipunar- og eftirlitsnefnd Alþingis í morgun.

Kaffibarinn Barbara opnar innan tíðar í húsinu sem áður hefur hýst Súfistann og Mánabar. Aðsend Í sögufrægu húsi í hjarta Hafnarfjarðar, þar sem kaffihúsið Súfistinn var og hét í þrjátíu ár, rís nýr kaffibar að nafni Barbara. Eigandi segir Hafnfirðinga hrannast inn á staðinn, þar sem framkvæmdir standa enn yfir, til að segja sögur af húsinu og lýsa yfir þakklæti yfir að húsið öðlist nýtt líf. Húsið við Strandgötu 9 er elsta steinsteypta húsið í Hafnarfirði og á sér ríkulega sögu. Katla Karlsdóttir eigandi Barböru rekur þá mismunandi starfsemi sem þar hefur verið í gegn um tíðina samtali við fréttastofu. „Það er mikil saga í húsinu, frá því að Mánabar var öðru megin og rakarastofa hinu megin og svo er Súfistinn eitthvað sem flestir þekkja. Svo hefur verið þarna hjólbarðaverkstæði, Vogue. Þannig að Hafnfirðingum þykir mjög vænt um þetta hús.“ Í janúar lokaði Súfistinn fyrir fullt og allt eftir þrjátíu ára rekstur. Teikn voru á lofti um að stækka húsið um allt að fjögur hundruð fermetra og reisa mathöll í húsnæðinu. Miklar breytingar hafa verið gerðar á efri hæðinni. Hraunhamrar/Aðsend „Það voru mjög skiptar skoðanir á því innan bæjarins. Þetta er gamalt hús og fólk kunni vel við útlitið á því eins og það er,“ segir Katla. Nýir aðilar hafi keypt húsið um það leyti sem Súfistinn lokaði. „Þau voru opin fyrir ýmsum möguleikum. Við stukkum á þau um leið og þau keyptu, ásamt fullt af öðru fólki. Einhverjir vildu opna hárgreiðslustofu, skrifstofur og allt mögulegt. Við náðum vel saman og vorum með hugmynd sem þau fíluðu,“ segir Katla. Hugmyndin er kaffibar og opnar snemma og lokar seint. Kaffi, vín, einfaldir kokteilar og ostar verða á matseðlinum. Framkvæmdir hófust fyrir rúmum mánuði og Katla reiknar með að opna eftir þrjár til fjórar vikur ef allt gengur eftir. Hún segir frá góðum undirtektum og miklum áhuga Hafnfirðinga. Undirbúningur fyrir opnun er í fullum gangi. Aðsend

Alþingi Ríkisstjórn Kristrúnar Frostadóttur

Mest lesið

Fleiri fréttir