Lög­reglu­maður á sjúkra­húsi eftir al­var­lega á­rás á Goslokahátíð

Stefán Jónsson, yfirlögregluþjónn hjá lögreglunni í Vestmannaeyjum, segir að það sé til rannsóknar að árásin hafi beinst að lögreglumanninum vegna starfa hans hjá lögreglunni.

Líðan lögreglumannsins særða liggur ekki fyrir en ljóst er að árásin var sérstaklega harkaleg. Ráðist var á hann á há- og miðpúnkti hátíðarhaldanna á Vigtartorgi við höfnina í Heimaey.

Stefán Jónsson yfirlögregluþjónn segir málið til rannsóknar hjá embættinu í Eyjum. Það sé að viða að sér gögnum, hafa upp á vitnum og skoða myndefni úr öryggismyndavélum. Þar sem árásin átti sér stað á Vigtartorgi urðu margir vitni að henni.

Hann segist gera ráð fyrir því að þegar rannsókn lögreglu ljúki endi málið á borði héraðssaksóknara enda um alvarlega líkamsárás og árás á opinberan starfsmann að ræða.