Einn hand­tekinn eftir stunguárás

Stunguárásin átti sér stað í umdæmi lögreglustöðvar þrjú, sem sér um löggæslu í Kópavogi og Breiðholti.

Þetta er á meðal þess sem kemur fram í dagbók lögreglu. Í henni er einnig greint frá því að fimm hafi verið handteknir vegna þess að hleypt var af skotvopni í Reykjavík. Nánar má lesa um það mál hér.

Í dagbókinni er einnig greint frá því að einstaklingur sé grunaður um sölu og dreifingu fíkniefna. Við leit lögreglu hafi fundist mikið magn fíkniefna og reiðufé. Það mál er í umdæmi lögreglustöðvar eitt, sem sér um löggæslu í Vesturbæ, Miðborg, Hlíðum, Laugardal, Háaleiti og á Seltjarnarnesi.

Í Hafnarfirði gekk maður berserksgang og er sagður hafa brotið rúðu á bíl. Sá var vistaður í fangaklefa.

Og í umdæmi lögreglustöðvar þrjú var einn handtekinn grunaður um líkamsárás og húsbrot.