Sjóð­heitt og splunku­nýtt Hollywood par

Leikararnir kynntist við tökur á myndinni og samkvæmt heimildum tímaritsins People blómstrar ástin á einlægan og afslappaðan hátt. 

„Þetta er ennþá á byrjunstigi og ástin fer stigvaxandi. Þau eru greinilega mjög skotin í hvort öðru.“

Fimmtán ára aldursmunur er á parinu en Liam Neeson er 73 ára og Pamela 58 ára. Bæði eiga þau tvö syni og þekkja fjölbreyttar hliðar frægðinnar. 

Pamela Anderson var ein mest áberandi stjarna tíunda áratugarins og hefur á undanförnum árum átt rosalega og mikilvæga endurkomu eftir að hafa að mörgu leyti verið niðurlægð á fyrstu árum frægðarinnar, þar á meðal með kynlífsmyndbandi sem lak og verið lítillækkuð af fjölmiðlafólki vestanhafs. 

Síðustu tvö ár hefur hún gefið út heimildarmyndina Pamela á Netflix, leikið aðalhlutverk á Broadway, hún situr á fremsta bekk á öllum helstu tískusýningunum í dag og hefur farið með nokkur kvikmyndahlutverk. Pamela er í blóma lífsins. 

Liam Neeson er sannkölluð leikarastjarna og er þekktur fyrir ótal hasarhlutverk á borð við Taken myndirnar. Hann var giftur leikkonunni Natasha Richardson sem lést eftir skíðaslys árið 2009. 

Í samtali við People tímaritið í október síðastliðinn var Liam algjörlega óhræddur við að ausa hrósum yfir mótleikkonu sína Pamelu. 

„Til að byrja með þá er ég bara yfir mig ástfanginn af henni. Það er frábært að vinna með henni og ég get bara ekki hrósað henni nægilega mikið til að vera hreinskilinn. Hún er ekki með neitt egó, hún leggur inn vinnuna, er svo fyndin og það er svo þægilegt að vinna með henni.“

Þessi ást hefur greinilega þróast en í myndinni leika þau sömuleiðis elskendur. The Naked Gun er væntanleg í kvimyndahús 1. ágúst en hér má sjá stiklu: