Gott silfur gulli betra en hvað nú?

Arsenal hefur undanfarin þrjú tímabil endað í öðru sæti ensku úrvalsdeildar karla í fótbolta. Bæði 2022-23 og 2023-24 var liðið ekki langt frá því að skáka Manchester City en lærisveinar Pep Guardiola kunna að loka mótum og stóðu uppi sem sigurvegarar bæði árin.

Á síðustu leiktíð var Arsenal aldrei nálægt Liverpool sem stóð á endanum uppi sem meistari. Lærisveinar Arne Slot voru hins með færir stig en Skytturnar enduðu með árinu áður.

Síðan að félagaskiptaglugginn opnaði hefur Arsenal látið til sín taka á markaðnum og ljóst er að markmiðið er einfalt, það er að verða Englandsmeistari.

Liðinu vantaði framherja svo Viktor Einar Gyökeres var sóttur frá Sporting Lissabon á fúlgur fjár. Martín Zubamendi er mættur til að þétta miðsvæðið enn frekar. Honum til halds og trausts er Christian Nörgaard, fyrrverandi fyrirliði Brentford.

Hægri vængmaðurinn Noni Madueke á að gefa liðinu auka breidd, innan vallar sem utan. Með komu hans ætti Bukayo Saka – langhættulegasti maður liðsins á síðustu leiktíð – að geta fengið hvíld endrum og eins.

Miðvörðurinn Cristhian Mosquera er kominn frá Valencia en miðað við hvernig Arteta hefur spilað undanfarið ætti ekki að koma á óvart ef hann myndi enda í bakverði.

Þá er markvörðurinn Kepa Arrizabalaga kominn til að veita David Raya félagsskap í markinu. Báðir eru Spánverjar, líkt og markmannsþjálfari liðsins - Iñaki Caña.

Dýrustu leikmenn Arsenal síðan Arteta tók við

1. Declan Rice frá West Ham United – 116.6 milljónir evra
2. Kai Havertz frá Chelsea – 75 milljónir evra
3. Zubameni frá Real Sociedad – 70 milljónir evra
4. Gyökeres frá Sporting – 65.8 milljónir evra
5. Noni Madueke frá Chelsea – 56 milljónir evra
6. Ben White frá Brighton & Hove Albion – 58.5 milljónir evra
7. Gabriel Jesus frá Man City – 52.2 milljónir evra
8. Thomas Partey frá Atlético Madríd – 50 milljónir evra
9. Riccardo Calafiori frá Bologna – 45 milljónir evra
10. Jurrien Timber frá Ajax – 40 milljónir evra
11. Oleksandr Zinchenko frá Man City – 35 milljónir evra
12. Fábio Vieira frá Porto – 35 milljónir evra
13. Martin Ödegaard frá Real Madríd – 35 milljónir evra

Sem stendur eru fá lið með jafn breiðan og góðan hóp og Arsenal. Arteta hefur fengið að móta liðið algjörlega eftir sínu höfði og nú er að gera eitthvað meira en að næla í silfur.

Arsenal sækir Manchester United heim í 1. umferð ensku úrvalsdeildarinnar þann 16. ágúst næstkomandi. Allir 380 leikir deildarinnar verða sýndir beint á Sýn Sport.

Hér má tryggja sér áskrift.