Banda­maður Trumps skotinn á fjöl­mennum við­burði

Kirk, sem er 31 árs gamall, hefur verið dyggur stuðningsmaður Trumps og MAGA-hreyfingarinnar og hann hefur einnig ítrekað lofað Vladimír Pútín, forseta Rússlands, í opinberri umræðu vestanhafs.

Kirk stofnaði Turning Point USA, sem er einskonar ungliðahreyfing íhaldsmanna í Bandaríkjunum.

Sjá einnig: Greiddu unglingum til að dreifa áróðri til stuðnings Trump

Trump hefur tjáð sig um skotárásina en í færslu á Truth Social bað forsetinn guð um að blessa Kirk og sagði að hann væri frábær maður.

Eins og áður segir var skotárásin fönguð á myndband en Kirk var að ljúka að svara spurningu frá áhorfenda þegar eitt skot ómaði og varð Kirk fyrir skoti. Hann var fluttur á sjúkrahús en ástand hans liggur ekki fyrir.

Þegar skotið heyrðist tóku nemendur til fótanna af hræðslu en svo virðist sem fleiri skotum hafi ekki verið hleypt af. Fregnir hafa borist af því að árásarmaðurinn hafi verið handtekinn en það hefur ekki verið staðfest, þegar þetta er skrifað.

Vert er að vara lesendur við myndböndunum hér að neðan en það sýnir árásina.