Happy Hydrate seldi fyrir 302 milljónir

Þetta kemur fram í ársreikningi Hydrate ehf. sem framleiðir og selur vörur undir vörumerkinu Happy Hydrate. Félagið hefur verið gagnrýnt fyrir að markaðssetja steinefnasaltsdrykki fyrir ung börn. Samkvæmt ársreikningnum kostaði tæplega 91 milljón að framleiða vörurnar, annar rekstrarkostnaður nam rúmri 161 milljón króna og laun og launatengd gjöld námu 28 milljónum.

Rekstrarhagnaður félagsins á árinu nam 22 og hálfri milljón en milljón króna afskriftir, fjármagnsgjöld og gengismunur urðu til þess að hagnaðurinn varð að tapi.

Vörubirgðir félagsins um síðustu áramót námu tæplega 55 milljónum króna og viðskiptakröfur upp á 17 milljónir. Við þetta bætist bíll og úr verða samanlagðar eignir upp á tæplega 74 milljónir króna.

Í síðasta mánuði gagnrýndi hópur næringarfræðinga markaðssetningu félagsins á steinefnadrykkjum sem ætlaðir eru börnum. Í september kynnti Happy Hydrate inn steinefnahylki fyrir börn, „Hydration Kids“. Á vefsíðu fyrirtækisins segir að stikurnar séu ætluð börnum fjögurra ára og eldri. Í greininni bendir hópurinn á að utan á pakkningunni sem um ræðir séu ýmsir þættir taldir upp sem gætu stuðlað að því að börn þurfi aukin sölt, meðal annars svefn og leikur.